���Ҵ�ý

Yn ddiweddar, cwblhaodd Elenya Moore, myfyriwr BA Addysg Antur Awyr Agored o Brifysgol Cymru Y Drindod Dewi Sant (PCYDDS), leoliad cyffrous ym Mhrifysgol De - ddwyrain Norwy (USN). Aeth y profiad hwn â hi ar wahanol alldeithiau, yn amrywio o dirweddau wedi’u gorchuddio ag eira yng ngaeafau Nordig i daith caiacio haf ar hyd yr arfordir - antur a asesodd ei sgiliau arwain, ei gwydnwch a’i hangerdd am addysg awyr agored.

Yn ystod ei lleoliad chwe mis dramor a ariannwyd gan Taith, cafodd Elenya gyfle i deithio ledled y wlad, a chafodd gyfle i weithio gyda chyd - fyfyrwyr o bob cwr o’r byd.

“Fy rôl oedd dysgu a bod yn rhan o dîm yn ystod alldeithiau. Disgrifiodd y darlithwyr alldaith fel peiriant, ac mae gan bawb ran i’w chwarae i gadw’r peiriant i weithio. P’un a fyddai hynny’n gwneud tasgau ar gyfer adeiladu gwersylloedd, llywio, neu gynllunio teithiau, i gymryd rhan mewn darlithoedd a helpu’r rhai a oedd yn ei chael hi’n anodd .”

Aeth ar bedair taith wahanol. Roedd tair o’r rheini mewn amgylchedd Nordig eirllyd, lle meistrolodd sgïo cefn gwlad a dysgu sut i oroesi yn amodau’r gaeaf. Meddai: 

“Roedd yr hyfforddiant yn ddwys, ond roedd wedi fy mharatoi i fyw ac arwain yn hyderus mewn amgylcheddau garw. O faeth i fordwyo, dysgais ystod eang o sgiliau a wnaeth fy ngalluogi i lwyddo yn yr oerfel eithafol .”

Roedd taith yr haf yn wahanol, wrth iddi archwilio arfordir prydferth Norwy mewn caiac.

 “Roedd yn brofiad hollol wahanol i deithiau’r gaeaf. Ond roedd yr un egwyddorion cynllunio, arweinyddiaeth a chynaliadwyedd yn berthnasol, a oedd yn ei gwneud yr un mor heriol a gwerth chweil .”

Mae astudio yn Norwy wedi trawsnewid Elenya. Enillodd ddealltwriaeth ddofn o’i galluoedd, meithrin gwytnwch, a datblygu sgiliau arwain sydd wedi gadael effaith barhaol. 

“Roeddwn yn falch iawn ohonof fy hun am wthio y tu allan i’m parth cysur. Cefais yr holl brofiadau newydd hyn, a gwelais rai golygfeydd anhygoel o dirweddau Norwy, yn ogystal â dysgu sgiliau a thechnegau newydd y gallaf eu defnyddio yn nes ymlaen mewn bywyd. Roeddwn yn fwy pendant yn fy swydd o ddydd i ddydd pan ddychwelais, ac roeddwn yn teimlo’n gadarnhaol am gwrdd â phobl newydd, gan fod fy hyder wedi tyfu o gael y profiad hwn.

“Mae wedi gwneud i mi eisiau gweithio yn y diwydiant chwaraeon eira a theithio ledled y byd, gweithio mewn canolfannau, neu ar gyfer cwmnïau awyr agored sy’n darparu antur gynaliadwy i bobl .”

“Mae’n brofiad unwaith mewn oes sy’n eich datblygu chi’n bersonol. Trwy ddweud ‘ie’ wrth yr holl gyfleoedd rydych yn eu cael tra’ch bod chi allan yna, mae’n caniatáu i chi ddysgu a phrofi cymaint yn yr amser byr rydych chi yno. Rydych chi’n dysgu cymaint mewn ffordd ryngweithiol sy’n eich galluogi i weld sut mae’ch dysgu’n cael ei gymhwyso mewn ystyr ymarferol.”

Dywedodd Denise Leonard, Darlithydd Addysg Antur Awyr Agored PCYDDS:

“Mae’r rhaglen yn Norwy yn amlwladol ac yn cael ei chyflwyno trwy gwricwlwm ymarferol, sy’n seiliedig ar alldaith. Mae pob myfyriwr yn dychwelyd gyda dealltwriaeth fyw o wahaniaeth diwylliannol ym maes Addysg Antur Awyr Agored a thu hwnt. Mae nodweddion allweddol fel meddwl beirniadol ac ymarfer myfyriol yn cael eu gwella’n sylweddol, gan gefnogi gallu’r myfyriwr i lwyddo yn academaidd ac yn alwedigaethol .”

Meddai Kath Griffiths, Rheolwr Rhanbarthol Rhyngwladol (Gogledd America a Symudedd Allanol), Academi Byd-eang Cymru:

“ Mae semester dramor yn USN Norwy yn cynnig mynediad digyffelyb i fyfyrwyr addysg awyr agored i dirweddau naturiol trawiadol Norwy, gan ddarparu profiad ymarferol mewn antur awyr agored, cynaliadwyedd ac arweinyddiaeth yn un o amgylcheddau addysg awyr agored mwyaf blaenllaw’r byd. Rydym yn ffodus iawn yn PCYDDS ein bod wedi anfon myfyrwyr i gampws Bo USN ers dros 17 mlynedd.”

Gwybodaeth Bellach

Lowri Thomas

Prif Swyddog Cyfathrebu a Chysylltiadau Cyhoeddus      
Cyfathrebu Corfforaethol a Chysylltiadau Cyhoeddus      
E-bost: lowri.thomas@pcydds.ac.uk      
���ô��:&�Բ�����;07449&�Բ�����;998476