Prentisiaethau

Ennill profiad gwaith yn y byd go iawn tra byddwch yn astudio.

Mae gradd-brentisiaethau’n ddewis amgen yn lle astudiaeth draddodiadol mewn prifysgol ac yn dod yn fwyfwy poblogaidd. Cynlluniau hyfforddi seiliedig ar waith ydynt. Byddwch yn cael profiad gwaith yn y byd go iawn ac yn ennill cyflog, gan weithio ar yr un pryd tuag at gymhwyster gradd wedi i chi gwblhau’r brentisiaeth yn llwyddiannus.

Chwilio Prentisiaethau

Ffeithiau am radd-brentisiaethau

Oed Cymhwysedd: Rhaid bod yn 16 oed neu’n hŷn. Rydym yn cynnig prentisiaethau uwch a gradd-brentisiaethau.

Hyd y Rhaglen: Fel arfer mae Gradd-brentisiaeth lawn yn PCYDDS yn para 4 blynedd. Fodd bynnag, gall profiad a chymwysterau perthnasol olygu ei fod yn bosibl addasu hyd eich rhaglen.

Gwybodaeth am Gyllid: Caiff rhaglenni prentisiaeth eu hariannu gan lywodraethau Cymru a Lloegr. Gall meini prawf cymhwysedd amrywio’n amodol ar leoliad eich gwaith.

Gofynion o ran Cyflogaeth: Rhaid bod prentisiaid wedi’u cyflogi mewn rôl sy’n gysylltiedig â’u dewis rhaglen astudio.

Gofynion / Gwaith ac Astudio: Rhaid i chi fod yn gymwys i weithio yn y DU a meddu ar gontract gwaith perthnasol. Mae gan brentisiaid hawl i gyflog, gwyliau statudol ac amser i astudio â thâl. Caiff wyth awr o’ch wythnos waith arferol eu dyrannu i astudio.

Hunangyflogaeth a Gwaith Rhan Amser: Gall unigolion hunangyflogedig hefyd fod yn gymwys. Cysylltwch â ni i drafod eich sefyllfa. Ar gyfer gweithwyr rhan amser sy’n gweithio 16 awr yr wythnos, dylid neilltuo un o’ch diwrnodau (8 awr) i astudio.

A yw'ch Busnes yn "Barod ar Gyfer y Dyfodol"?

Gwnewch fuddsoddiad yn natblygiad eich gweithwyr gyda Phrentisiaethau Uwch a Gradd-brentisiaethau a arweinir gan ddiwydiant a thrawsnewid eich busnes.

Rydym yn deall yr heriau bob-dydd mae eich busnes yn wynebu ac o ganlyniad, mewn partneriaeth gyda chyflogwyr, gwnaethom greu Rhaglen Brentisiaeth dan arweiniad Diwydiant. Pan gaiff hon ei chyfuno gyda chymorth profiad ymarferol bydd myfyrwyr yn cymhwyso’r wybodaeth a geir yn uniongyrchol i’r gweithle.

Cynnig Prentisiaeth Gradd

Uwch aelodau'r Brifysgol mewn ystafell drochi.

Pam dewis PCYDDS i wneud eich Gradd-brentisiaeth?

Mae’r Drindod Dewi Sant yn un o brif ddarparwyr Gradd-brentisiaethau prifysgol.

Ar hyn o bryd rydym yn darparu gradd-brentisiaethau i dros 100 o gyflogwyr yng Nghymru a Lloegr. Rydym wedi sefydlu perthnasoedd cryf gyda sefydliadau sector preifat a chyhoeddus gan gynnwys Busnesau Bach a Chanolig (BBaChau), Awdurdodau Lleol ac Ymddiriedolaethau’r GIG.

Mae ein Gradd-brentisiaethau’n cynnig cyfle i gyflogwyr feithrin eu talent eu hunain. Gall cyflogwyr ddewis uwchsgilio neu ailsgilio gweithwyr cyfredol, neu recriwtio a hyfforddi gweithwyr newydd trwy ein Prentisiaethau at lefel gradd.