Profiad PCYDDS Sunny
Helo, fy enw i yw Sunny. Rwy’n fyfyriwr aeddfed sy’n ailhyfforddi i ddilyn fy angerdd am gyfiawnder cymdeithasol, perthyn, a tegwch a datblygu fy ngyrfa.
Gwybodaeth Allweddol
Enw: Sunny Zdravkova
Rhaglen: Tegwch ac Amrywiaeth mewn Cymdeithas MA
Tref eich Cartref: Yn wreiddiol o Sofia, Bwlgaria, ond ar hyn o bryd yn byw yn y DU.
Sunny's Programme Name Experience
Profiad Tegwch ac Amrywiaeth mewn Cymdeithas Sunny
Pam gwnaethoch chi ddewis PCYDDS?
Dewisais Y Drindod Dewi Sant oherwydd ei rhaglen hyblyg a’i hygyrchedd. Fel rhywun a gyflogwyd yn llawn amser, roedd yn bwysig i mi ddod o hyd i gwrs gyda rhyngweithiadau byw a darlithoedd, yn wahanol i’r rhan fwyaf o raddau dysgu o bell, sydd ar-lein yn bennaf heb brofiad tiwtor byw. Rheswm arall dros ddewis Y Drindod Dewi Sant oedd hygyrchedd a chynhwysiant cyffredinol y rhaglen. Mae’r radd yn croesawu unigolion o bob cefndir, waeth beth yw eu haddysg flaenorol, gan ei gwneud yn haws i bobl o wahanol gefndiroedd cymdeithasol gael mynediad at addysg yn gyfartal. Roedd y cynhwysiant hwn yn ffactor pwysig i mi, gan fod hyrwyddo tegwch a chynhwysiant yn hanfodol i’n hastudiaethau.
Beth gwnaethoch chi fwynhau tu allan i’ch astudiaethau?
Rwyf wrth fy modd yn treulio amser gyda’m partner a’m teulu. Rwyf hefyd yn mwynhau cadw’n heini, bod yn yr awyr agored a theithio. Er fy mod yn neilltuo llawer o amser i’m swydd, rwyf bob amser yn ceisio dod o hyd i ffyrdd o ymlacio a chael rhywfaint o amser segur.
Beth ydych chi’n gobeithio gwneud pan fyddwch yn graddio?
Rwy’n gobeithio parhau i ddysgu a chael effaith gadarnhaol. Rwyf hefyd yn anelu at symud ymlaen yn fy ngyrfa a chymhwyso’r wybodaeth a’r sgiliau a enillwyd o fy ngradd yn fy mywyd a’m gwaith bob dydd.
Beth oedd eich hoff beth am Tegwch ac Amrywiaeth mewn Cymdeithas?
Fy hoff beth am astudio Cymdeithaseg yw ein bod ni’n edrych ar gynifer o bynciau. Mae’n ddiddorol clywed safbwyntiau pobl a chael trafodaeth agored mewn darlithoedd (mae digon o gyfleoedd i ddadlau!). Yn ogystal â hyn, mae’r darlithwyr yn anhygoel o wybodus a chefnogol. Mae cymdeithaseg yn cwmpasu cynifer o agweddau ar fywydau pobl sy’n aml yn ei gwneud yn berthnasol iawn, sef beth sy’n ei gwneud mor ddiddorol.
Beth yw eich Hoff beth am Gampysau’r Brifysgol?
Rwy’n fyfyriwr dysgu o bell. Nid wyf wedi bod i’r campws eto, ond clywais ei fod yn brydferth, felly ni allaf aros i’w weld eleni na’r tro nesaf yr wyf yn ymweld â hi.
Wnaethoch chi ddod i PCYDDS trwy lwybr arall?
Des i’n fyfyriwr aeddfed ar ôl bod allan o addysg am bron iawn 10 mlynedd.
