Graddedigion Newydd
Graddedigion Newydd
Dychmygwch hyn: rydych wedi cwblhau eich astudiaethau, ac mae diwrnod graddio ar y gorwel – neu efallai ei fod eisoes wedi dod a mynd. Felly, beth nawr?
Nawr rydych yn dechrau ar bennod newydd yn eich taith gyda PCYDDS. Rydych chi’n dal i fod yn rhan o’n cymuned ar ôl i chi raddio, ac mae hynny’n dod â rhai manteision gwych!
Beth bynnag yw eich camau nesaf, rydyn ni dal yma i’ch cefnogi.
Beth sy’n eich disgwyl ar ôl graddio:
Y rhestr lawn o fanteision sydd ar gael i chi fel graddedig newydd a thu − hwnt y ffordd yma:
Graduate Quotes
Hyd yn oed ar ôl graddio, roedd cael mynediad parhaus i’r gwasanaeth gyrfaoedd yn gwneud i mi deimlo’n fy mod yn cael fy nghefnogi a’m cofio. Wrth i mi ehangu fy ngyrfa, mae eu cyngor wedi fy helpu i gynnal fy ffocws, i fod yn hyderus ac i gadw mewn cysylltiad â chyfleoedd gwerthfawr.
Alina Mariutac
Un o raddedigion MA Arweinyddiaeth
Graduate outcomes survey
Llunio’r dyfodol trwy gwblhau’r arolwg Hynt Graddedigion
Pymtheg mis ar ôl cwblhau’ch cwrs, cewch eich gwahodd i gymryd rhan yn yr arolwg Hynt Graddedigion.
Mae’n gofyn beth rydych chi’n ei wneud nawr – gweithio, teithio, neu astudio – a sut helpodd eich cwrs chi. Mae eich mewnbwn yn ein helpu i wella ein cyrsiau a’n gwasanaethau, yn cefnogi myfyrwyr y dyfodol, ac yn dangos effaith gradd PCYDDS.
Cysylltir â chi dros e-bost, ffôn neu neges destun, felly gwnewch yn siŵr eich bod yn cadw eich manylion cyswllt yn gyfredol drwy neu thrwy ein ffurflen Diweddaru Eich Manylion.
Tystysgrifau a Thrawsgrifiadau
Bydd eich tystysgrif - sef prawf swyddogol eich gradd - yn cael ei phostio tua wyth wythnos o’r Bwrdd Dyfarnu. Byddwch hefyd yn derbyn copi o’ch trawsgrifiad terfynol - cofnod llawn o’ch astudiaeth academaidd gan gynnwys canlyniadau modiwlau.
P’un a ydych chi’n dewis eu fframio, neu eu storio yn rhywle diogel, maen nhw’n ddogfennau pwysig y gallai fod eu hangen yn y dyfodol.
Os bydd angen copïau newydd arnoch chi nes ymlaen, gallwch chi eu harchebu am ffi.
The Alumni Network
Cadwch mewn cysylltiad trwy’r Rhwydwaith Cyn-fyfyrwyr
Rydyn yma i’ch cefnogi, nid yn unig fel graddedigion newydd - rydych chi’n rhan o’n cymuned o gyn-fyfyrwyr am oes.
Fe gewch chi e-bost croeso â phopeth sydd ei angen arnoch chi i gadw mewn cysylltiad, yn ogystal â chylchlythyrau digidol parhaus - cyhyd ag yr hoffech chi eu derbyn - a mynediad i’n cylchgrawn cyn-fyfyrwyr blynyddol, sy’n llawn straeon, digwyddiadau, a ffyrdd o gymryd rhan.