���Ҵ�ý

Bydd ceisiadau ar gyfer y Flwyddyn Academaidd 2025/2026 yn agor ddydd Llun 3 Mawrth 2025.

Bydd angen i Fyfyrwyr Newydd gofrestru ar Hallpad, bydd arnoch angen eich rhif myfyriwr a’ch dyddiad geni. Ar ôl i chi gofrestru byddwch wedyn yn gallu cwblhau’r ffurflen gais a’i chyflwyno.

Bydd angen i Fyfyrwyr sy’n Dychwelyd fewngofnodi i Hallpad, os ydych wedi anghofio’ch manylion cewch ofyn i’r system eu hailosod.  Fel myfyriwr sy’n dychwelyd, byddwch yn gallu rhoi gwybod i ni ar eich ffurflen gais gyda phwy yr hoffech fyw.

Ceir dau arddull o ystafell ar ein campws yng Nghaerfyrddin, i gyd wedi eu lleoli mewn fflatiau o 8 ystafell wely sy’n rhannu cegin a lofa, sef:-

• Ystafell Arddull Cyfredol – ystafell en-suite gyda gwely sengl
• Ystafell Arddull Newydd – en-suite gyda gwely pedair troedfedd

Sut i wneud cais am Lety?

Y Porth Llety

Mewngofnodwch i’r Porth Llety (Hallpad)

Mae’r Porth Llety yn wasanaeth ar-lein er mwyn gwneud cais a sicrhau llety ym Mhrifysgol Cymru Y Drindod Dewi Sant, campws Caerfyrddin.

Mewngofnodwch fel a ganlyn:

• Myfyrwyr Israddedig Newydd – O dan ‘Defnyddiwr Tro Cyntaf’ cliciwch ar ‘wirio eich bod yn gymwys ar gyfer Llety’r Brifysgol’, bydd angen eich rhif myfyriwr PCYDDS, a roddir i chi gan ein Cofrestrfa, a’ch dyddiad geni i’w gwblhau.  Ar ôl cofrestru byddwch wedyn yn gallu cwblhau’ch cais.
• Myfyrwyr cyfredol – Mewngofnodwch i “Wedi Cofrestru” – os ydych wedi anghofio’ch manylion cewch ofyn i’r system eu hailosod, os cewch anawsterau o hyd e-bostiwch accommodation@uwtsd.ac.uk os gwelwch yn dda a gallwn ailosod eich ‘Cyfeiriad E-bost’ a’ch ‘Cyfrinair’ ar eich rhan.
• Myfyrwyr Astudio Tramor a Chyfnewid – Cewch wneud cais ar gyfer llety ar gampws Caerfyrddin y Brifysgol unwaith bod eich cais wedi bod yn llwyddiannus.  

Polisi Dyrannu Llety

Mae Prifysgol Cymru Y Drindod Dewi Sant yn ymdrechu i ddarparu ar gyfer cymaint o fyfyrwyr â phosibl; fodd bynnag, mae’n ddrwg gennym na allwn gadarnhau llety prifysgol i bob ymgeisydd. Lle na allwn gynnig lle, byddwn yn cefnogi myfyrwyr i ddod o hyd i lety preifat lle bo modd.

• Gallwn gynnig lle mewn llety prifysgol i israddedigion blwyddyn gyntaf newydd sy’n dewis PCYDDS fel eu Dewis Cadarn a’n gwneud cais am lety erbyn 31ain o Orffennaf 2025.
• Bydd myfyrwyr sy’n dychwelyd ac yn astudio ar ein campws yn Llambed ar hyn o bryd yn cael sicrwydd o ystafell mewn llety yng Nghaerfyrddin os byddant yn gwneud cais erbyn y 6ed o Fai 2025.
• Rhaid i fyfyrwyr Caerfyrddin sy’n dychwelyd gyflwyno eu cais erbyn 30ain o Fehefin 2025.
• Gan y gallai’r galw fod yn fwy na’r argaeledd, rhoddir blaenoriaeth i fyfyrwyr sydd:
  • Wedi cofrestru ar gwrs llawn amser yn PCYDDS
  • Yn dychwelyd ac yn fyfyriwr ar Gampws Llambed 
  • Yn byw yn rhy bell i ffwrdd i drafaelu neu sicrhau llety rhent preifat
  • Â anghenion cymdeithasol a/neu gorfforol arbennig

Bydd cynnig llety pob myfyriwr sydd wedi gwneud cais yn cael ei gadarnhau ar ôl 14 Awst 2025.
Os na allwn gynnig llety prifysgol i chi, byddwn yn eich cynorthwyo i archwilio opsiynau tai preifat lle bo modd. 

Contract Meddiannaeth

Mae’r Contract Meddiannaeth Llety yn gontract cyfreithiol rhyngoch chi a’r Brifysgol sy’n gosod eich ymrwymiadau chi ac ymrwymiadau’r Brifysgol.  Gwnewch yn siŵr eich bod yn darllen ac yn deall y telerau ac amodau.

Cysylltu â’ch Cyd-Breswylwyr

Os hoffech gysylltu â’ch cyd-breswylwyr newydd, rhoddwn fanylion tudalennau cyfryngau cymdeithasol y Brifysgol i chi lle gallwch chwilio amdanynt.   

Manylion Talu

Wedi cyrraedd yn eich cartref newydd, fe gewch e-bost oddi wrth yr Adran Gyllid gyda’ch anfoneb flynyddol a dolen i dalu am eich rhenti cyntaf.  Bydd gyda chi ddewis i dalu’n flynyddol neu bob tymor.

Rhaglen Gynefino

Cyn i chi gyrraedd, bydd angen i chi gwblhau’r Rhaglen Gynefino a fydd yn rhoi gwybodaeth ddefnyddiol i chi am fyw yn llety’r Brifysgol.

Cysylltir â chi drwy e-bost pan fydd y Rhaglen Gynefino ar gael i chi ei chwblhau.

�䲹�Բ�����’c��&�Բ�����;����������

Cewch ganslo’ch archeb unrhyw bryd cyn symud i mewn drwy fewngofnodi i’r porth.

Beth sy’n digwydd nesaf?

Sylweddolwn mai dyma fydd y tro cyntaf i lawer ohonoch fyw oddi cartref efallai, felly rydym wedi rhoi llyfryn “Croeso i’ch Llety” at ei gilydd a anfonir atoch drwy e-bost pan fyddwn yn cadarnhau y neilltuwyd ystafell ar eich cyfer.  

Math Newydd, En-suite – 64 Ystafell

En-suite, Sengl – 216 Ystafell

Bydd ceisiadau ar gyfer blwyddyn academaidd 2025/26 yn agor 3 Mawrth 2025. 

Byddwch yn cael cynnig lle yn y llety hunanarlwyo yn neuadd Archesgob Noakes. Mae pob fflat yn cynnwys 8 ystafell sengl ynghyd â chegin a lolfa sy’n cael eu rhannu.

• 38 wythnos y cyfnod y drwydded ac mae’n rhedeg o 20 Medi 2025 i 13 Mehefin 2026. 
• Ni fydd angen i chi adael yr ystafelloedd yn ystod gwyliau’r Nadolig a’r Pasg.

Bydd dewis o ddwy arddull o ystafelloedd. 

• Ystafell Arddull Presennol – ystafell en-suite gyda gwely sengl 
• Ystafell Arddull Newydd – ystafell en-suite gyda gwely pedair troedfedd

Gallwch wneud cais am lety ar yr amod bod gennych gynnig ‘Amodol’ neu ‘Ddiamod’ gan y Brifysgol. Os mai PCYDDS yw eich ail ddewis, ni ddylid gwneud cais tan ar ôl canlyniadau’r arholiadau ym mis Awst.

Rydym yn awyddus i gefnogi’r gymuned gref o siaradwyr Cymraeg ar gampws PCYDDS yng Nghaerfyrddin.    O ganlyniad, mae’r Brifysgol wedi creu cartref ar gyfer myfyrwyr Cymraeg mewn fflatiau sydd wedi’u neilltuo ar gyfer myfyrwyr sy’n siarad Cymraeg neu sy’n dysgu’r iaith ac sydd am fyw gyda’i gilydd. 

Pa ddylech chi ddewis llety gyda’n siaradwyr Cymraeg? 

• Awyrgylch cartrefol
• Cyfle i fod yn rhan o gymuned glos a chefnogol
• Byw a chymdeithasu drwy gyfrwng y Gymraeg
• Cyfleoedd i gymryd mantais ar ystod eang o weithgareddau addysgol a chymdeithasol drwy gyfrwng y Gymraeg. 

Drwy ddewis fflat lle mae myfyrwyr yn siarad Cymraeg, byddwch chi wrth galon bywyd y brifysgol, a rhan o gymuned glos gyda siaradwyr Cymraeg eraill – y dewis perffaith i’ch helpu i ymgartrefu’n gyflym. 

Mae’r fflatiau ar gyfer myfyrwyr sy’n siarad Cymraeg wedi’u lleoli o fewn blociau’r Archesgob Noakes. 

Byddwn yn gofyn i chi ar ein ffurflen gais os hoffech fyw mewn fflat ar gyfer siaradwyr Cymraeg. 

Os oes gennych unrhyw gwestiynau am y fflatiau ar gyfer siaradwyr Cymraeg, croeso i chi gysylltu â’r tîm llety drwy e-bostio accommodation@uwtsd.ac.uk

Unwaith y byddwch wedi cael ystafell mewn neuadd, efallai y bydd arnoch eisiau dechrau meddwl am beth i’w ddod gyda chi i’r campws.

Siop ar-lein yw UniKitOut sy’n cynnig arbedion ENFAWR ar lawer o’r eitemau a ganlyn:

• Pecynnau Dillad Gwely
• Pecynnau Cegin
• Pecynnau Ystafell Ymolchi a Thyweli
• Pecynnau Cyfun Myfyrwyr
• Offer Trydanol
• Ategolion a llawer iawn mwy!

Unwaith y byddwch yn prynu eitemau, gallwch ofyn iddynt gael eu hanfon yn uniongyrchol i’ch ystafell fel eu bod yn aros yno amdanoch chi pan fyddwch yn cyrraedd.