ÃÜÌÒ´«Ã½

Caiff pob myfyriwr Celf Gain le stiwdio personol. Mae ein cyfleusterau ardderchog yn cynnwys gweithdai Cerflunio sy’n canolbwyntio ar weithdai metel, pren, a cherameg, ochr yn ochr â chyfarpar arbenigol megis torwyr laser a chwistrell ddŵr, rhithrealiti (VR), stiwdios digidol/ystafelloedd tywyll ffotograffig, stiwdios sain a fideo, a chyfleusterau gwneud printiau.

Mae’r ardal gwneud printiau’n cynnwys offer ar gyfer ysgythru, torri lino, monobrintio a phrintio sgrîn sidan. Mae gan y gweithdy metel dorwyr plasma ac offer weldio a sgwrio â thywod. Mae’r gweithdy resin yn cynnwys ardal plastr a mowldio ac yn defnyddio prosesau diwydiannol. Caiff yr odynau yn y stiwdio cerameg hefyd eu defnyddio ar gyfer ffiwsio gwydr.

Mae’r torrwr chwistrell dŵr yn caniatáu i fyfyrwyr archwilio ac arbrofi ymhellach gyda metel, carreg, gwydr, pren a ffelt. Yn ogystal â’r ystafell darlunio bywyd, mae’r adran hefyd yn cynnwys stiwdios mawr a hyblyg ar gyfer pob myfyriwr.

Rydym yn unigryw o ran ein bod ni’n pwysleisio pwysigrwydd bywluniadu yn rhan o’r amserlenni wythnosol, gan ddysgu nid yn unig am dynnu llun, ond pwysigrwydd â€˜edrych’.