���Ҵ�ý

Cynhaliodd Prifysgol Cymru Y Drindod Dewi Sant (PCYDDS) ddigwyddiadau Cystadleuaeth Sgiliau Cymru mewn partneriaeth ag Ysbrydoli Rhagoriaeth Sgiliau yng Nghymru ddydd Gwener, Chwefror 7 yn ei hadeiladau IQ a Dinefwr yn Abertawe. Nod Cystadleuaeth Sgiliau Cymru yw codi proffil sgiliau ledled Cymru drwy roi cyfle i fyfyrwyr, hyfforddeion, a phrentisiaid herio eu hunain, meincnodi eu galluoedd, a gwella eu harbenigedd mewn amrywiaeth o sectorau.

Croesawodd y Brifysgol fyfyrwyr o Goleg Penybont, Coleg Caerdydd a’r Fro, Coleg Sir Gâr, Coleg Cambria, Coleg Y Cymoedd a Choleg Ceredigion, Coleg Gŵyr Abertawe a Choleg Sir Benfro. Mae’r cystadlaethau, a ariennir gan Lywodraeth Cymru drwy’r prosiect Ysbrydoli Rhagoriaeth Sgiliau yng Nghymru, yn cael eu trefnu gan rwydwaith ymroddedig o golegau, darparwyr dysgu seiliedig ar waith, a sefydliadau a arweinir gan gyflogwyr. 

Mae’r fenter yn cyd-fynd â safonau WorldSkills ac anghenion esblygol economi Cymru. Cynhaliodd PCYDDS gystadlaethau ar draws dau leoliad allweddol:

Yn yr Adeilad IQ:

• Electroneg Ddiwydiannol

• Gweithgynhyrchu Ychwanegion

• Dylunio â Chymorth Cyfrifiadur (CAD)

• Troi CNC

Yn Adeilad Dinefwr:

• Tecstilau a Phatrwm Arwyneb (Cystadleuaeth Beilot)

• Technoleg Ffasiwn

•&�Բ�����;��ڴdzٴDz������ڴھ�����ٳ�

• Crefft (Cystadleuaeth Beilot)

• Dylunio Graffig

Amlygodd Caroline Thraves, Cyfarwyddwr Academaidd Celf a’r Cyfryngau PCYDDS, arwyddocâd y cystadlaethau hyn o ran meithrin creadigrwydd ac arloesedd: “Rydym wrth ein bodd ein bod yn cynnal rowndiau terfynol Cystadleuaeth Sgiliau Cymru yng Ngholeg Celf Abertawe. Mae datblygu sgiliau lefel uchel yn sylfaenol i’r hyn rydym yn ei wneud, ac mae’n bleser cefnogi cymaint o unigolion dawnus a chreadigol drwy’r gystadleuaeth hon.”

Pwysleisiodd Lee Pratt, Rheolwr Academi Sgiliau Gweithgynhyrchu Uwch PCYDDS, rôl y brifysgol o ran meithrin gweithwyr proffesiynol sy’n barod i’r diwydiant: “Trwy gynnal digwyddiadau Cystadleuaeth Sgiliau Cymru mewn Electroneg Ddiwydiannol, Gweithgynhyrchu Ychwanegion, CAD, a Throi CNC, mae’r brifysgol yn meithrin arloesedd, yn meithrin rhagoriaeth dechnegol, ac yn paratoi’r genhedlaeth nesaf o weithwyr proffesiynol medrus i yrru diwydiant yn ei flaen.”

Paul Evans, Cyfarwyddwr y Prosiect: “Mae cefnogaeth PCYDDS i gynnal y cystadlaethau hyn wedi bod yn amhrisiadwy. Sgiliau yw sylfaen economi ffyniannus, ac mae cystadlaethau fel y rhain yn chwarae rhan hollbwysig wrth ddatblygu talent, codi safonau, a pharatoi unigolion ar gyfer gyrfaoedd llwyddiannus. Llongyfarchiadau i’r holl gystadleuwyr am dderbyn yr her hon ac ymdrechu am ragoriaeth yn eich priod feysydd.”

Mae Cystadleuaeth Sgiliau Cymru yn chwarae rhan hanfodol wrth ysbrydoli rhagoriaeth a hyrwyddo cymwysterau galwedigaethol ledled Cymru. Mae’r cystadlaethau hyn yn helpu i feincnodi a chodi safonau sgiliau i gefnogi gweithlu’r dyfodol.

Daw’r cystadlaethau i ben gyda seremoni wobrwyo fawreddog ar Fawrth 13, 2025, lle bydd y cystadleuwyr gorau yn cael eu cydnabod am eu hymroddiad, eu dawn a’u gwaith caled.

Gwybodaeth Bellach

Rebecca Davies

Swyddog Gweithredol Cysylltiadau â’r Wasg a’r Cyfryngau     
Cyfathrebu Corfforaethol a Chysylltiadau Cyhoeddus     
E-bost: rebecca.davies@pcydds.ac.uk     
���ô��:&�Բ�����;07384&�Բ�����;467071