ÃÜÌÒ´«Ã½

Wedi i chi gofrestru, bydd lluniaeth ar gael. Manteisiwch ar y cyfle hwn i gwrdd â myfyrwyr presennol a staff a dechrau cael atebion i’ch cwestiynau. 

Mae ein Sgyrsiau Croeso yn gyflwyniad gwych i PCYDDS. Byddwch yn darganfod beth yw hoff beth ein myfyrwyr am astudio yma a pham fod PCYDDS yn lle delfrydol i ddilyn pwnc rydych yn angerddol amdano wrth baratoi ar gyfer eich gyrfa yn y dyfodol. 

Rydym yn gwybod bod deall sut i ariannu eich astudiaethau yn hanfodol wrth wneud eich penderfyniad. Bydd ein tîm cyllid ar law i roi i chi drosolwg cynhwysfawr o gyllid myfyrwyr, gan eich helpu i ddeall yr opsiynau ariannu sydd ar gael a sut i’w cyrchu. 

I lawer o ymwelwyr, y sgyrsiau academaidd a’r teithiau o gwmpas y cyfleusterau yw uchafbwyntiau’r dydd. Dyma’ch cyfle i blymio’n ddyfnach i mewn i’ch dewis bwnc a dysgu rhagor am beth, ble a sut y cewch eich addysgu. Cewch hefyd weld y cyfleusterau sy’n helpu ein myfyrwyr i baratoi ar gyfer eu gyrfaoedd. 

Fe drefnwn ni ginio i chi. Yn ystod amser cinio, cymerwch amser i ymlacio, adfyfyrio ar weithgareddau’r bore, ac ystyried unrhyw gwestiynau pellach sydd gennych i’w gofyn yn y ffair wybodaeth neu yn ystod y teithiau campws a llety. 

Yn y prynhawn, bydd ein ffair wybodaeth ar agor. Yma, gallwch gwrdd â staff academaidd a gwahanol dimau gwasanaethau myfyrwyr sydd ar gael am sgyrsiau 1 i 1 i ateb unrhyw gwestiynau sydd gennych. 

Yn sefydliad sy’n falch o’i Chymreictod, rydym yn dathlu’r iaith Gymraeg. P’un a ydych yn siarad Cymraeg, eisiau gwella eich sgiliau, neu mae gennych ddiddordeb mewn dysgu’r iaith, mae ein tîm yma i’ch helpu i archwilio’r cyfleoedd Cymraeg sydd ar gael i chi tra byddwch yn astudio gyda ni. 

I lawer o fyfyrwyr, mae llety’n un o’r agweddau pwysicaf ar fywyd prifysgol. Bydd ein Tîm Llety yn darparu gwybodaeth fanwl am eich opsiynau, p’un a fyddwch yn dewis byw yn ein neuaddau neu oddi ar y campws mewn llety pwrpasol i fyfyrwyr. 

Mae teithiau o gwmpas y campws yn rhan hanfodol o brofiad Diwrnodau Agored. Maent yn eich helpu i adnabod naws y campws, ei weld o safbwynt myfyriwr, ac archwilio ein cyfleusterau am y tro cyntaf. 

Mae gweld lle gallech chi fod yn byw yn ystod eich astudiaethau yn bwysig i lawer o ymwelwyr. Ar gampysau Caerfyrddin a Llambed, bydd y Tîm Llety a Llysgenhadon Myfyrwyr yn eich tywys o gwmpas y lleoedd y gallech chi eu galw’n gartref. 

Abertawe a Chaerdydd 

Anogir myfyrwyr sy’n mynychu Diwrnodau Agored Abertawe a Chaerdydd i siarad gyda’n tîm Llety a’r darparwyr preifat yn y ffair wybodaeth. Yma, gallwch drefnu ymweliadau ag amrywiaeth o lety i fyfyrwyr oddi ar y campws sydd ger ein campysau.