Cyfleusterau Athroniaeth, Diwinyddiaeth ac Astudiaethau Crefyddol
Our Facilities
Ein Cyfleusterau
Dewch i archwilio dyfnderoedd y meddwl dynol ac ysbrydolrwydd gyda’n rhaglenni Athroniaeth, Diwinyddiaeth ac Astudiaethau Crefyddol. Mae ein cyfleusterau wedi’u teilwra i wella eich profiad addysgol a meithrin dealltwriaeth ddofn o’r disgyblaethau hyn.
Our Facilities Include
Ein Cyfleusterau Athroniaeth, Diwinyddiaeth ac Astudiaethau Crefyddol
Rydym yn darparu dosbarthiadau addysgu bach sy’n cynnig amgylchedd dysgu cefnogol sy’n canolbwyntio ar gymheiriaid.
Mae pob darlith yn cael ei recordio a’i rhannu, gan sicrhau eich bod yn gallu gwylio eto pan mae’n gyfleus i chi.
Bydd adnoddau llyfrgell cynhwysfawr ar gael i chi ar y campws ac ar-lein, sy’n hanfodol ar gyfer eich astudiaethau. Mae sesiynau tiwtorial personol rheolaidd yn cynnig arweiniad academaidd a chefnogaeth fugeiliol. Cynhelir asesiadau drwy waith cwrs a chyflwyniadau, gan ddileu’r angen am arholiadau ffurfiol.
Mae ein cyfleusterau’n cynnwys ystod o offer TG, ystafell gyffredin i fyfyrwyr, a chyfleoedd i astudio dramor.
Yn ogystal, cewch fynediad at gasgliadau arbennig sy’n cynnig cyfoeth o adnoddau academaidd unigryw.
Adnoddau Ymchwil
Archwiliwch Gasgliadau Arbennig ac Archifau PCYDDS am adnoddau amhrisiadwy mewn Athroniaeth, Diwinyddiaeth ac Astudiaethau Crefyddol. O lawysgrifau prin i destunau hanesyddol, mae’r casgliadau hyn yn cefnogi ymholi academaidd dwfn ac yn cyfoethogi’ch astudiaethau gyda deunydd o ffynonellau gwreiddiol, unigryw. Dysgwch ragor yma.
Oriel Gyfleusterau
Addysgu cydamserol
Mae ein cyfleusterau’n cynnwys addysgu cydamserol, gyda darlithoedd ar gael wyneb yn wyneb ac ar-lein drwy Teams, gan wella hygyrchedd. Mae pob darlith yn cael ei recordio a’i rhannu gyda’r myfyrwyr, gan ganiatáu dysgu hyblyg.
Llachar a modern
Mwynhewch fannau cyfoes i feddwl, astudio, trafod a chymdeithasu sy’n cyd-fynd â threftadaeth gyfoethog y coleg gwreiddiol.
Maint dosbarthiadau bach
Mwynhewch brofiad mwy personol – dosbarthiadau bach a darlithoedd diddorol, gyda digonedd o gyfleoedd i fyfyrwyr gymryd rhan, meithrin trafodaeth ac arwain at well dealltwriaeth o’r pwnc.
Campus Life
Bywyd ar Gampws Llambed
Wedi’i sefydlu yn 1822, campws Llambed yw un o sefydliadau dyfarnu graddau hynaf Cymru. Mae ei adeiladau hanesyddol a’i diroedd ffrwythlon yn creu lleoliad hardd, sy’n cyfuno hanes cyfoethog gyda diwylliant myfyrwyr bywiog. Mae’r archifau a chasgliadau llyfrgell yn cynnig adnoddau ymchwil unigryw. Yn Llambed, cewch fwynhau cymuned glos wedi’i chefnogi gan gyfleusterau modern, gan gynnwys darlithfeydd o’r radd flaenaf, mannau astudio arbenigol, a gwahanol gyfleusterau chwaraeon a hamdden. Mae straeon a chwedlau cyfoethog y campws yn ychwanegu swyn unigryw at brofiad myfyrwyr.
