ÃÜÌÒ´«Ã½

Cwblheais f’astudiaethau israddedig ac ôl-raddedig ym Mhrifysgol Abertawe, gan ennill gradd B.Sc. (Anrh) yn 2010 a gradd M.Sc. yn 2011. Ffocws f’astudiaethau ôl-raddedig oedd cymhwyso mathemateg yn rhyngddisgyblaethol o fewn Cyfrifiadureg.  Roedd fy nhraethawd hir ar gyfer fy ngradd Meistr yn cynnwys dadansoddi, gweithredu a chyfoethogi ystod o algorithmau chwilio am fras-linynnau, gyda ffocws penodol ar eu cymhwyso mewn biowybodeg. Roedd hyn yn cynnwys gwaith ar yr algorithm Bitap, yn ogystal ag algorithmau Needleman–Wunsch a Smith–Waterman, yr oedd y ddau ohonynt yn gofyn am ddefnydd helaeth o dechnegau’n seiliedig ar fatrics.  Cymhwyswyd y dulliau a ddatblygwyd i ddynodi dilyniannau DNA niweidiol o fewn samplau biolegol. 

Ar lefel israddedig, roedd fy ffocws academaidd ar y sylfeini ystadegol sy’n sail i reoli a gwyddor actiwaraidd. Archwiliai fy nhraethawd hir yn y flwyddyn olaf effaith amodau meteorolegol ar berfformiad busnesau yng Nghymru.  Roedd yr astudiaeth hon yn gofyn am ddadansoddiad empiraidd ar raddfa fawr o ddata cyfres amser yn y byd go iawn, gan gynnwys uwch-dechnegau ystadegol megis dad-dymoroli data a dadansoddi cydberthynas.

Ar hyn o bryd rwy’n addysgu ac yn arwain ar draws ystod o fodylau a ddarperir o fewn graddau amser llawn a rhan-amser:

• Mathemateg Peirianneg
• Dulliau Dadansoddol
• Mathemateg Bellach
• Cyflwyniad i Fathemateg a Gwyddoniaeth
• Prosiect Integreiddio
• ±Ê°ù´Ç²õ¾±±ð³¦³Ù&²Ô²ú²õ±è;³Ò°ùŵ±è

Hefyd yn flaenorol rwyf wedi cyflwyno modylau Gwyddor Peirianneg a Sgiliau Astudio. 

Mae fy mhrif gyfrifoldebau addysgu’n cynnwys dylunio a chyflwyno cynnwys mathemategol i’r Ysgol Beirianneg, gyda ffocws ar gynyddu llythrennedd mathemategol.  Hefyd sefydlais sesiynau cymorth mathemateg a gwyddor peirianneg a’u datblygu, ac maent wedi bod yn rhedeg ers eu cychwyn yn 2011.

Rwy’n goruchwylio prosiectau graddau israddedig rhan-amser â phrif ffocws ar brosiectau seiliedig ar ddiwydiant y mae myfyrwyr yn ymgymryd â nhw yn eu hamgylcheddau peirianneg proffesiynol, sy’n golygu cydweithio â chwmnïau megis Tata Steel, Aston Martin a Renishaw.

Yn flaenorol bûm yn ddarlithydd allanol i Inlingua ar ran Prifysgol Cymru Y Drindod Dewi Sant (Prifysgol Fetropolitan Abertawe gynt), gan ddarparu modylau â ffocws ar beirianneg ar gyfer myfyrwyr rhyngwladol a oedd hefyd yn gwneud astudiaethau Saesneg.