ÃÜÌÒ´«Ã½

Mae Athrofa Confucius ym Mhrifysgol Cymru Y Drindod Dewi Sant wedi creu ysgol unigryw yng Nghymru lle mae plant o gefndiroedd Tsieineaidd a Chymreig yn cyfarfod bob dydd Sul yn ystod y tymor i ddysgu Tsieinëeg a chael profiad o ddiwylliant Tsieina.​ Rydym yn croesawu disgyblion o bob cefndir.

Rydym yn Ganolfan Profion Rhyngwladol Caergrawnt ar gyfer cymwysterau TGAU a Lefel AS mewn Mandarin. Rydym hefyd yn paratoi ein myfyrwyr ar gyfer y Prawf Tsieinëeg i Ieuenctid (YCT) a phrawf hyfedredd iaith Tsieinëeg HSK sy’n cael eu cydnabod yn rhyngwladol.  Mae ein staff addysgu hyfforddedig yn deall anghenion dysgu myfyrwyr yn y DU ac yn darparu addysg o’r safon orau. 

Mae’r ysgol yn cynnig cwricwlwm sydd wedi’i strwythuro’n ofalus yn sgiliau craidd Siarad, Gwrando, Darllen ac Ysgrifennu Tsieinëeg - er mwyn cefnogi disgyblion rhwng 5 a 18 oed o lefel dechreuwyr hyd at lefel uwch. Nod y dosbarthiadau yw cefnogi gallu disgyblion ac annog dysgu cyson.