ÃÜÌÒ´«Ã½

Mae ein cyfleusterau arbenigol i’r Diwydiannau Perfformio yn cynnwys y canlynol:    

BA Actio ac MA Theatr Gymhwysol: Mae gan fyfyrwyr fynediad i ofod perfformio Y Llwyfan, man ymarfer Stiwdio Parry, Theatr yr Halliwell a dwy stiwdio ddawns.

Dylunio a Chynhyrchu Setiau: Mae gan y brif weithdy Dylunio a Chynhyrchu Setiau ddigonedd o le i adeiladu setiau Ffilm, Teledu a Theatr ar raddfa lawn. Yno, mae ystod o offer adeiladu ar lefel broffesiynol gan Festool, cyfleusterau ar gyfer gwaith ‘polycarving’, castio resin, paentio golygfeydd a gwaith pypedau ar raddfa fawr. Mae’r gofod yn hyblyg a gellir symud pethau o gwmpas yn hawdd i gynnal sesiynau a addysgir, prosiectau byw ac i groesawu criwiau proffesiynol o gwmnïau ffilm. Hefyd, mae gan fyfyrwyr fynediad i ystafell Mac, pensetiau VR ac Ystafell Drochi’r campws.

Ein Lleoliad  

Mae Caerfyrddin yn cynnig canolfan gyfoethog a bywiog o greadigrwydd sy’n tynnu at ei gilydd gyfuniad unigryw o bynciau o’r celfyddydau creadigol a seiliedig ar berfformio gyda phrosesau ffilm a chyfryngau digidol uwchdechnoleg, i greu cymuned ddysgu sy’n ddeinamig, arloesol a chyffrous. Mae’r campws yn bair creadigol ar gyfer ymarferwyr ac entrepreneuriaid wedi’i leoli o fewn adeiladau trawiadol ac eiconig. 

Gwahanol fath o ystafell ddosbarth mewn profiad trochol ar y campws  

Rydym yn tanysgrifio i’r syniad bod pobman yn ystafell ddosbarth o fewn ein cymuned greadigol. Y cyfleoedd i ddysgu mewn gweithdai, darlithfeydd, stiwdios ymarfer a lleoliadau yw lle caiff syniadau eu llunio, eu trafod a’u gweithredu – mae’r rhain yn fannau ar gyfer adfyfyrio, trafod, ymholi a chyfleoedd. P’un a ydych chi’n actor, yn artist neu’n ddylunydd, byddwch chi’n gweithio ochr yn ochr, a gydag, ysgrifenwyr creadigol, gwneuthurwyr ffilmiau, cynhyrchwyr cyfryngau newydd, gwneuthurwyr pypedau a chyfarwyddwyr.