Gweithrediadau Darbodus ac Ystwyth (Llawn amser) (MSc)
Mae’r cwrs Gweithrediadau Darbodus ac Ystwyth hwn wedi’i gynllunio ar gyfer unigolion sydd am ehangu eu gwybodaeth am sut mae busnesau a diwydiannau’n gweithio’n fwy effeithlon. Mae’n ddelfrydol ar gyfer myfyrwyr sydd eisoes wedi astudio pynciau fel peirianneg, gweithgynhyrchu, logisteg neu reoli’r gadwyn gyflenwi. Mae hefyd yn gyfle gwerthfawr i reolwyr profiadol sydd am ddatblygu eu sgiliau a’u gwybodaeth ymhellach.
Mae’r cwrs yn rhoi pwyslais cryf ar reoli gweithrediadau gyda ffocws ar y sectorau diwydiannol a’r sectorau gwasanaethau. Byddwch yn dysgu sut i reoli a gwella systemau a phrosesau sy’n cadw diwydiannau i redeg yn ddiffwdan. Mae hyn yn bwysig i fusnesau sydd am fod yn fwy cynhyrchiol, lleihau gwastraff, ac addasu’n gyflym i newid.
Drwy gydol y rhaglen, byddwch yn canolbwyntio ar ddefnyddio syniadau’n ymarferol. Mae hyn yn golygu y byddwch yn gweithio ar ddatrys problemau go iawn y mae busnesau yn eu hwynebu heddiw. Mae’r cwrs wedi’i seilio ar y cysyniad o welliant parhaus, gan eich helpu i ddod o hyd i ffyrdd o wella prosesau yn gyson. Fel rhan o’r cwrs, byddwch hefyd yn ennill y sgiliau sydd eu hangen ar gyfer tystysgrif ‘Six Sigma Black Belt’, sy’n uchel ei pharch mewn llawer o ddiwydiannau am wella ansawdd ac effeithlonrwydd.
Byddwch hefyd yn archwilio meysydd allweddol fel logisteg, rheoli’r gadwyn gyflenwi, a chaffael, sydd i gyd yn hanfodol ar gyfer rheoli symud nwyddau a gwasanaethau. Mae deall y gadwyn gyflenwi fyd-eang hefyd yn ganolbwynt pwysig, gan fod busnesau heddiw yn gweithredu ar lefel ryngwladol, gan ddelio â systemau a heriau cymhleth.
Yn ogystal â hyn, byddwch yn astudio rheoli prosiectau i’ch helpu i arwain a chyflawni prosiectau llwyddiannus. Mae’r cwrs hefyd yn ymdrin â phynciau modern fel digideiddio, sy’n edrych ar sut mae technoleg yn newid y ffordd y mae diwydiannau’n gweithredu, ac arloesedd, sy’n annog meddwl creadigol mewn prosesau busnes.
Mae cynaliadwyedd a rheoli risg hefyd yn themâu allweddol yn y rhaglen, gan sicrhau eich bod yn deall sut y gall busnesau weithredu mewn ffordd gyfrifol sy’n canolbwyntio ar y dyfodol. Mae hyn yn arbennig o bwysig wrth i ddiwydiannau geisio lleihau eu heffaith amgylcheddol a rheoli risgiau posibl mewn marchnad fyd-eang.
Erbyn diwedd y cwrs, bydd gennych y sgiliau a’r wybodaeth i weithio mewn ystod eang o ddiwydiannau, a byddwch wedi’ch paratoi’n dda ar gyfer rolau arwain mewn gweithrediadau darbodus a gweithrediadau ystwyth.
Manylion y cwrs
- Ar y campws
- Llawn amser
- Saesneg
Pam dewis y cwrs hwn
Beth fyddwch chi'n ei ddysgu
Mae ein cwrs MSc Gweithrediadau Darbodus ac Ystwyth wedi’i gynllunio i gyfuno sgiliau ymarferol â dealltwriaeth academaidd. Rydym yn canolbwyntio ar roi dysgu ar waith yn y byd go iawn a gwelliant parhaus, gan eich paratoi i reoli gweithrediadau cymhleth yn effeithlon. Trwy ddysgu ymarferol a chanolbwyntio ar arloesedd, byddwch yn datblygu sgiliau sy’n bodloni gofynion y diwydiant ac yn llywio dyfodol busnes.
Byddwch yn dechrau trwy astudio Rheoli Caffael a’r Gadwyn Gyflenwi, gan ganolbwyntio ar reoli adnoddau, a Dulliau Ymchwil ar gyfer dadansoddi effeithiol. Mae Dadansoddeg Busnes yn dilyn hyn, gan addysgu gwneud penderfyniadau sy’n seiliedig ar ddata.
Yn ddiweddarach, byddwch yn mynd i’r afael â Six Sigma Darbodus, Logisteg a Masnach Ryngwladol a Roboteg ac Awtomatiaeth, gan gael arbenigedd mewn effeithlonrwydd, gweithrediadau byd-eang, a thechnoleg. Yn olaf, mae Rheoli Gweithrediadau Cynaliadwy a’r Prosiect Gradd Meistr yn eich galluogi i roi eich sgiliau ar waith ar gyfer heriau’r byd go iawn mewn gweithrediadau darbodus ac ystwyth.
(20 credydau)
(20 credydau)
(10 credydau)
(20 credydau)
(20 credydau)
(20 credydau)
(20 credydau)
(60 credydau)
Ymwrthodiad
-
Mae’r modylau a amlinellir uchod yn enghreifftiau o’r hyn y gallwch ddisgwyl ei ddysgu ar y cwrs hwn yn seiliedig ar addysgu academaidd diweddar. Rydym yn adolygu ein cyrsiau yn barhaus i sicrhau bod yr ansawdd yn cael ei wella ac er mwyn rheoli ein hadnoddau. Gall yr union fodylau sydd ar gael i chi yn y dyfodol amrywio yn amodol ar argaeledd a diddordebau ymchwil staff, pynciau astudio newydd, amserlennu a galw myfyrwyr. Os yw eich cwrs yn cynnwys modylau dewisol, diben rhain yw darparu elfen o ddewis o fewn y cwrs. Gall argaeledd modylau dewisol amrywio o flwyddyn i flwyddyn a byddant yn amodol ar gyflawni isafswm niferoedd myfyrwyr. Golyga hyn na ellir gwarantu argaeledd modylau dewisol penodol.
Fel arfer, byddwch yn cwblhau 120 credyd y flwyddyn astudio ar gwrs llawn amser. I gael rhagor o wybodaeth ewch i’n Cytundeb Myfyrwyr.
tysteb
Staff
Staff
Cewch chi eich dysgu a’ch cefnogi gan ystod eang o staff a thimau proffesiynol yma i’ch helpu i gael y profiad prifysgol rydych chi’n chwilio amdano. Roedd ein staff addysgu yn 2il yng Nghymru am Addysgu, Asesu ac Adborth a Chymorth Academaidd (ACF 2024) sy’n golygu y bydd y cymorth a’r adborth a gewch chi yn eich helpu chi i ddysgu a datblygu sgiliau academaidd cryf. Mae ein myfyrwyr wedi ein rhoi ni yn 1af yng Nghymru am Gyfleoedd Dysgu a Llais Myfyrwyr (ACF 2024) sy’n golygu bod ystod eang o gyfleoedd ar gael i wella eich astudiaethau a bod myfyrwyr yn chwarae rhan weithredol wrth lunio eu profiadau dysgu. Mae ein hymrwymiad i’ch dysgu chi wedi golygu bod ein myfyrwyr yn ein rhoi ni yn 1af yng Nghymru ac yn gydradd 3ydd yn y DU am foddhad myfyrwyr (Times Higher Education, 2024, mesur ‘Positifrwydd Cyffredinol’). Dysgwch ragor am ein staff academaidd sy’n addysgu ar draws ein cyrsiau.
Gwybodaeth allweddol
-
Gradd anrhydedd 2:2 
-
neu gyfwerth a gydnabyddir gan PCYDDS.
Llwybrau mynediad amgen 
-
Tystysgrif Ôl-raddedig mewn Addysg Uwch (Tyst. Ôl-radd). Dyma ran gyntaf y radd Meistr lawn.
Unwaith y byddwch wedi cwblhau eich astudiaethau Tyst. Ôl-radd yn llwyddiannus, byddwch yn gymwys i symud ymlaen i weddill y radd Meistr. &²Ô²ú²õ±è;
Mae’r rhain yn llwybrau delfrydol os ydych yn dychwelyd i astudio ar ôl seibiant, os nad ydych wedi astudio’r pwnc hwn o’r blaen, neu os na wnaethoch gyflawni’n raddau roeddech eu hangen i gael lle ar y radd hon. &²Ô²ú²õ±è;
Cyngor a Chymorth Derbyn 
I gael cyngor a chymorth penodol, gallwch gysylltu â’n tîm ymholiadau i gael rhagor o wybodaeth am ofynion mynediad.
Gofynion Iaith Saesneg 
Os nad Saesneg yw eich iaith gyntaf, neu os nad ydych wedi astudio drwy gyfrwng y Saesneg o’r blaen, mae ein gofyniad arferol yn gyfwerth â sgôr o 6.0 y System Brofi Iaith Saesneg Rhyngwladol (Prawf Academaidd IELTS), heb gael llai na 5.5 ym mhob un o’r is-brofion. Rydym hefyd yn derbyn profion iaith Saesneg ±ð°ù²¹¾±±ô±ô. &²Ô²ú²õ±è;
Ewch i ymweld ag adran Ceisiadau Rhyngwladol ein gwefan i ddysgu rhagor am ein Gofynion Iaith Saesneg a Chyrsiau Iaith Saesneg ymlaen llaw.
Gofynion fisa ac ariannu
Os nad ydych o’r DU ac nid oes gennych breswyliad yma yn barod, efallai bydd angen i chi wneud cais am fisa. &²Ô²ú²õ±è;
Ar gyfer cyrsiau sy’n fwy na chwe mis, bydd angen fisa myfyrwyr arnoch chi. &²Ô²ú²õ±è;
Dylai myfyrwyr rhyngwladol sydd angen fisa Myfyriwr wneud cais am ein cyrsiau llawn amser gan eu bod yn gymwys ar gyfer nawdd fisa Myfyriwr.  
I gael yr holl wybodaeth, darllenwch y dudalen gwneud cais am fisa a chanllawiau. â¶Ä¯â¶Ä¯&²Ô²ú²õ±è;
Sylwch mai dim ond ar gyfer rhaglenni wyneb yn wyneb, ar gampws, heb elfennau astudio ar-lein y gall myfyrwyr sy’n derbyn Cymorth Ffederal yr Unol Daleithiau wneud cais. 
-
-
Mae’r asesu ar y rhaglen meistr yn cynnwys cymysgedd o asesiadau ysgrifenedig, arholiadau a chyflwyniadau. Gallai asesiad nodweddiadol ofyn i chi ymchwilio i broblem a gwneud awgrymiadau ar gyfer gwella gan ddefnyddio offer a thechnegau a ddysgwyd gennych mewn modwl penodol neu ar draws y rhaglen.
-
Mae rhai modylau ar y cwrs hwn ar gael i’w hastudio trwy gyfrwng y Gymraeg yn llawn neu’n rhannol. Ym mhob achos bydd myfyrwyr yn gallu cyflwyno asesiadau ysgrifenedig trwy gyfrwng y Gymraeg.
Os byddwch chi’n dewis astudio eich cwrs yn llawn neu’n rhannol drwy gyfrwng y Gymraeg, efallai y byddwch yn gymwys i wneud cais am ysgoloriaethau a bwrsariaethau i’ch cefnogi gyda’ch astudiaethau.
Rydym yn adolygu ein darpariaeth cyfrwng Cymraeg yn gyson a bydd union argaeledd modylau yn amodol ar argaeledd a diddordebau ymchwil staff, pynciau astudio newydd, amserlennu a’r galw gan fyfyrwyr. Os yw eich cwrs yn cynnig modylau trwy gyfrwng y Gymraeg gall y math o fodwl amrywio o flwyddyn i flwyddyn ac fe fydd yn amodol ar gyrraedd isafswm nifer myfyrwyr. Golyga hyn na ellir gwarantu argaeledd modylau cyfrwng Cymraeg penodol.
Cyfleoedd Cymraeg Allgyrsiol
Yn ogystal, mae nifer o ffyrdd i ymgysylltu â’r diwylliant a bywyd Cymreig yn PCYDDS, gan gynnwys ymuno â chlybiau a chymdeithasau ar gyfer siaradwyr Cymraeg ac ymuno â Changen fywiog y Coleg Cymraeg Cenedlaethol. &²Ô²ú²õ±è;
Cyfleoedd i Ddysgu Cymraeg
Rydym hefyd yn darparu amrywiaeth o gyfleoedd i ddysgu ac i ddatblygu eich sgiliau Cymraeg.
-
Mae’n bosibl cwblhau’r cwrs hwn heb fynd i gostau ychwanegol, ond dylai myfyrwyr ddisgwyl gorfod talu am gostau sy’n codi o gyfarfodydd prosiect mewn cwmnïau ac ymweliadau myfyrwyr.
-
Efallai eich bod yn gymwys i gael arian i helpu i gefnogi eich astudiaethau. I ddysgu am ysgoloriaethau, bwrsarïau a chyfleoedd ariannu eraill sydd ar gael, ewch i’n hadran Bwrsarïau ac Ysgoloriaethau.
-
Mae’r rhaglen hon yn rhoi i raddedigion amrywiaeth eang o sgiliau a chymwyseddau proffesiynol sy’n drosglwyddadwy o fewn sectorau busnes ac o sector i sector. Mae myfyrwyr yn datblygu sgiliau llafar ac ysgrifenedig i alluogi unigolion i fagu hyder trwy’r rhaglen astudio.
Ymhlith y cyfleoedd gyrfa nodweddiadol mae rheolwr shifft, goruchwyliwr cynhyrchu, rheolwr peirianneg, rheolwr ansawdd, rheolwr cynllunio ac amserlennu, rheolwr / cyfarwyddwr gweithrediadau.
Mae pob un o’n graddedigion sydd wedi astudio’n rhan amser wedi cael dyrchafiad tra roeddent yn astudio, neu ar ôl cwblhau eu hastudiaethau, ac maent wedi priodoli hynny i’w cymhwyster.
Mae graddedigion iau wedi elwa o well rhagolygon cyflogaeth ac wedi canfod eu bod yn gallu cael gwaith fel peiriannydd llinell, peiriannydd ansawdd ac arbenigwr y gadwyn gyflenwi.
Mae nifer o gwmnïau mawr bellach wedi cydnabod bod y cwrs hwn yn ofyniad allweddol er mwyn cael dyrchafiad neu ddal swydd benodol.