Rheoli Prosiectau Peirianneg (Rhan amser) (MSc)
Ydych chi’n angerddol am beirianneg ac yn awyddus i ddatblygu eich sgiliau wrth gydbwyso gwaith ac astudio? Mae’r cwrs MSc Rheoli Prosiectau Peirianneg (Rhan-amser) wedi’i gynllunio ar gyfer gweithwyr proffesiynol sydd am ddatblygu eu harbenigedd mewn rheoli prosiectau o fewn y sector peirianneg, wrth gynnal eu hymrwymiadau presennol. P’un ai eich bod yn dod o gefndir peirianneg fecanyddol, dylunio peirianyddol, peirianneg sifil neu beirianneg gweithgynhyrchu, bydd y rhaglen hyblyg hon yn eich helpu i ehangu eich gwybodaeth ac agor drysau newydd yn eich gyrfa.
Mae’r cwrs yn ddelfrydol ar gyfer myfyrwyr sydd wedi cwblhau gradd israddedig ac sy’n dymuno archwilio cyfleoedd newydd mewn peirianneg dechnegol. Mae hefyd o fudd i reolwyr profiadol sydd am adnewyddu eu gwybodaeth a ffurfioli eu cymwysterau, gan eu helpu i aros ar y blaen mewn marchnad swyddi sy’n datblygu.
Mae’r rhaglen hon yn canolbwyntio’n gryf ar ddatblygu sgiliau reoli prosiectau sy’n hanfodol ar gyfer arwain prosiectau peirianneg. Ochr yn ochr â dysgu craidd, bydd myfyrwyr yn mireinio eu galluoedd mewn arwain prosiectau, rheoli ansawdd a rheoli’r gadwyn gyflenwi. Mae’r rhain yn elfennau allweddol ar gyfer llwyddiant yn y diwydiannau sy’n datblygu’n gyflym heddiw. Mae deall sut i reoli caffael hefyd yn rhan bwysig o’r cwrs, gan roi dealltwriaeth i fyfyrwyr ar agwedd hanfodol ar gynllunio a gweithredu prosiectau.
Bydd graddedigion yn gadael y rhaglen yn meddu ar sgiliau sy’n eu gwneud yn apelgar i gyflogwyr mewn amrywiaeth o ddiwydiannau. P’un ai eich bod yn anelu i fod yn rheolwr prosiect medrus iawn neu ymgymryd â rolau arweinyddiaeth mwy technegol, bydd yr hyfforddiant a ddarperir yn cefnogi eich cyflogadwyedd.
Mae’r rhaglen hefyd wedi’i chynllunio i baratoi myfyrwyr ar gyfer heriau’r gweithle modern. Mae cyflogwyr heddiw yn gwerthfawrogi mwy na gwybodaeth dechnegol yn unig; maent yn chwilio am weithwyr proffesiynol sy’n gallu arwain timau, rheoli prosiectau cymhleth, a chyflawni canlyniadau o fewn amser ac o fewn cyllideb. Mae’r cwrs hwn yn mynd i’r afael â’r holl agweddau hyn, gan roi addysg gyflawn i fyfyrwyr mewn arweinyddiaeth, rheoli, a pheirianneg dechnegol.
Erbyn diwedd y rhaglen, bydd gennych y sgiliau ymarferol a’r wybodaeth ddamcaniaethol i reoli prosiectau’n hyderus, gan sicrhau eich bod yn sefyll allan fel arweinydd prosiect cymwys a galluog iawn ym maes peirianneg.
Manylion y cwrs
- Ar y campws
- Rhan amser
- Saesneg
Pam dewis y cwrs hwn
Beth fyddwch chi'n ei ddysgu
Mae ein hathroniaeth addysgu yn canolbwyntio ar ddarparu cydbwysedd o sgiliau ymarferol a gwybodaeth ddamcaniaethol. Ein nod yw rhoi dealltwriaeth eang i fyfyrwyr o reoli prosiectau mewn peirianneg, gan bwysleisio arweinyddiaeth, cynaliadwyedd ac arloesedd. Trwy ddysgu rhyngweithiol, astudiaethau achos sy’n canolbwyntio ar y diwydiant, ac asesiadau sy’n seiliedig ar brosiectau, byddwch yn datblygu’r sgiliau hanfodol sydd eu hangen i lwyddo yn y sector peirianneg sy’n datblygu’n gyflym heddiw.
Blwyddyn Un
Yn y flwyddyn gyntaf, byddwch yn adeiladu sylfaen gadarn ym meysydd allweddol peirianneg dechnegol a dadansoddeg busnes. Byddwch yn archwilio rheoli ansawdd ac egwyddorion Lean Six Sigma, gan ddysgu sut i wella prosesau a gwella effeithlonrwydd. Bydd y ffocws ar ddatblygu sgiliau meddwl beirniadol a deall y defnydd ymarferol o reoli prosiectau mewn cyd-destunau peirianneg. Byddwch hefyd yn cymryd rhan mewn prosiectau cydweithredol sy’n eich paratoi ar gyfer yr heriau sydd o’ch blaen.
Blwyddyn 2
Yn yr ail flwyddyn, bydd y cwricwlwm yn mynd yn ddyfnach i feysydd rheoli prosiectau, caffael a rheoli’r gadwyn gyflenwi. Byddwch yn dysgu strategaethau uwch ar gyfer prosiectau blaenllaw, gan ganolbwyntio ar ddyrannu adnoddau’n effeithiol a chymhlethdodau rheoli cadwyni cyflenwi. Mae’r flwyddyn hon yn dod i ben gyda’r Prosiect Meistr, lle byddwch yn defnyddio’ch gwybodaeth ar gyfer her peirianneg yn y byd go iawn. Bydd y prosiect copa hwn yn eich galluogi i ddangos eich sgiliau arwain a’ch gallu i reoli prosiectau peirianneg amlochrog o’r dechrau i’r diwedd, gan sicrhau eich bod wedi’ch paratoi’n dda ar gyfer gyrfa lwyddiannus yn y maes.
(20 credydau)
(20 credydau)
(20 credydau)
(20 credydau)
(20 credydau)
(60 credydau)
(20 credydau)
Ymwrthodiad
-
Mae’r modylau a amlinellir uchod yn enghreifftiau o’r hyn y gallwch ddisgwyl ei ddysgu ar y cwrs hwn yn seiliedig ar addysgu academaidd diweddar. Rydym yn adolygu ein cyrsiau yn barhaus i sicrhau bod yr ansawdd yn cael ei wella ac er mwyn rheoli ein hadnoddau. Gall yr union fodylau sydd ar gael i chi yn y dyfodol amrywio yn amodol ar argaeledd a diddordebau ymchwil staff, pynciau astudio newydd, amserlennu a galw myfyrwyr. Os yw eich cwrs yn cynnwys modylau dewisol, diben rhain yw darparu elfen o ddewis o fewn y cwrs. Gall argaeledd modylau dewisol amrywio o flwyddyn i flwyddyn a byddant yn amodol ar gyflawni isafswm niferoedd myfyrwyr. Golyga hyn na ellir gwarantu argaeledd modylau dewisol penodol.
Fel arfer, byddwch yn cwblhau 120 credyd y flwyddyn astudio ar gwrs llawn amser. I gael rhagor o wybodaeth ewch i’n Cytundeb Myfyrwyr.
tysteb
Staff
Staff
Cewch chi eich dysgu a’ch cefnogi gan ystod eang o staff a thimau proffesiynol yma i’ch helpu i gael y profiad prifysgol rydych chi’n chwilio amdano. Roedd ein staff addysgu yn 2il yng Nghymru am Addysgu, Asesu ac Adborth a Chymorth Academaidd (ACF 2024) sy’n golygu y bydd y cymorth a’r adborth a gewch chi yn eich helpu chi i ddysgu a datblygu sgiliau academaidd cryf. Mae ein myfyrwyr wedi ein rhoi ni yn 1af yng Nghymru am Gyfleoedd Dysgu a Llais Myfyrwyr (ACF 2024) sy’n golygu bod ystod eang o gyfleoedd ar gael i wella eich astudiaethau a bod myfyrwyr yn chwarae rhan weithredol wrth lunio eu profiadau dysgu. Mae ein hymrwymiad i’ch dysgu chi wedi golygu bod ein myfyrwyr yn ein rhoi ni yn 1af yng Nghymru ac yn gydradd 3ydd yn y DU am foddhad myfyrwyr (Times Higher Education, 2024, mesur ‘Positifrwydd Cyffredinol’). Dysgwch ragor am ein staff academaidd sy’n addysgu ar draws ein cyrsiau.
Gwybodaeth allweddol
-
Gradd anrhydedd 2:2 
-
neu gyfwerth a gydnabyddir gan PCYDDS.
Llwybrau mynediad amgen 
-
Tystysgrif Ôl-raddedig mewn Addysg Uwch (Tyst. Ôl-radd). Dyma ran gyntaf y radd Meistr lawn.
Unwaith y byddwch wedi cwblhau eich astudiaethau Tyst. Ôl-radd yn llwyddiannus, byddwch yn gymwys i symud ymlaen i weddill y radd Meistr. &²Ô²ú²õ±è;
Mae’r rhain yn llwybrau delfrydol os ydych yn dychwelyd i astudio ar ôl seibiant, os nad ydych wedi astudio’r pwnc hwn o’r blaen, neu os na wnaethoch gyflawni’n raddau roeddech eu hangen i gael lle ar y radd hon. &²Ô²ú²õ±è;
Cyngor a Chymorth Derbyn 
I gael cyngor a chymorth penodol, gallwch gysylltu â’n tîm ymholiadau i gael rhagor o wybodaeth am ofynion mynediad.
Gofynion Iaith Saesneg 
Os nad Saesneg yw eich iaith gyntaf, neu os nad ydych wedi astudio drwy gyfrwng y Saesneg o’r blaen, mae ein gofyniad arferol yn gyfwerth â sgôr o 6.0 y System Brofi Iaith Saesneg Rhyngwladol (Prawf Academaidd IELTS), heb gael llai na 5.5 ym mhob un o’r is-brofion. Rydym hefyd yn derbyn profion iaith Saesneg ±ð°ù²¹¾±±ô±ô. &²Ô²ú²õ±è;
Ewch i ymweld ag adran Ceisiadau Rhyngwladol ein gwefan i ddysgu rhagor am ein Gofynion Iaith Saesneg a Chyrsiau Iaith Saesneg ymlaen llaw.
Gofynion fisa ac ariannu
Os nad ydych o’r DU ac nid oes gennych breswyliad yma yn barod, efallai bydd angen i chi wneud cais am fisa. &²Ô²ú²õ±è;
Ar gyfer cyrsiau sy’n fwy na chwe mis, bydd angen fisa myfyrwyr arnoch chi. &²Ô²ú²õ±è;
Dylai myfyrwyr rhyngwladol sydd angen fisa Myfyriwr wneud cais am ein cyrsiau llawn amser gan eu bod yn gymwys ar gyfer nawdd fisa Myfyriwr.  
I gael yr holl wybodaeth, darllenwch y dudalen gwneud cais am fisa a chanllawiau. â¶Ä¯â¶Ä¯&²Ô²ú²õ±è;
Sylwch mai dim ond ar gyfer rhaglenni wyneb yn wyneb, ar gampws, heb elfennau astudio ar-lein y gall myfyrwyr sy’n derbyn Cymorth Ffederal yr Unol Daleithiau wneud cais. 
-
-
Mae’r rhaglen meistr yn cynnwys cyfuniad o asesiadau ysgrifenedig, arholiadau a chyflwyniadau ar gyfer asesu. Gall asesiad arferol ofyn i chi ymchwilio i broblem a chynnig awgrymiadau ar gyfer gwella gan ddefnyddio’r offer a’r technegau y gwnaethoch ddysgu amdanyn nhw mewn modiwl penodol neu ar draws y rhaglen.
-
Mae rhai modylau ar y cwrs hwn ar gael i’w hastudio trwy gyfrwng y Gymraeg yn llawn neu’n rhannol. Ym mhob achos bydd myfyrwyr yn gallu cyflwyno asesiadau ysgrifenedig trwy gyfrwng y Gymraeg.
Os byddwch chi’n dewis astudio eich cwrs yn llawn neu’n rhannol drwy gyfrwng y Gymraeg, efallai y byddwch yn gymwys i wneud cais am ysgoloriaethau a bwrsariaethau i’ch cefnogi gyda’ch astudiaethau.
Rydym yn adolygu ein darpariaeth cyfrwng Cymraeg yn gyson a bydd union argaeledd modylau yn amodol ar argaeledd a diddordebau ymchwil staff, pynciau astudio newydd, amserlennu a’r galw gan fyfyrwyr. Os yw eich cwrs yn cynnig modylau trwy gyfrwng y Gymraeg gall y math o fodwl amrywio o flwyddyn i flwyddyn ac fe fydd yn amodol ar gyrraedd isafswm nifer myfyrwyr. Golyga hyn na ellir gwarantu argaeledd modylau cyfrwng Cymraeg penodol.
Cyfleoedd Cymraeg Allgyrsiol
Yn ogystal, mae nifer o ffyrdd i ymgysylltu â’r diwylliant a bywyd Cymreig yn PCYDDS, gan gynnwys ymuno â chlybiau a chymdeithasau ar gyfer siaradwyr Cymraeg ac ymuno â Changen fywiog y Coleg Cymraeg Cenedlaethol. &²Ô²ú²õ±è;
Cyfleoedd i Ddysgu Cymraeg
Rydym hefyd yn darparu amrywiaeth o gyfleoedd i ddysgu ac i ddatblygu eich sgiliau Cymraeg.
-
Mae’n bosibl cwblhau’r rhaglen astudio hon heb unrhyw gostau ychwanegol.
Efallai y bydd myfyrwyr yn dymuno prynu deunyddiau ar gyfer modiwlau fel y Prosiect Mawr ond nid yw hyn yn ofynnol ac ni fydd yn cael unrhyw effaith ar y radd derfynol.
-
Efallai eich bod yn gymwys i gael arian i helpu i gefnogi eich astudiaethau. I ddysgu am ysgoloriaethau, bwrsarïau a chyfleoedd ariannu eraill sydd ar gael, ewch i’n hadran Bwrsarïau ac Ysgoloriaethau.
-
Mae’r rhaglen hon yn rhoi amrywiaeth eang o sgiliau a chymwyseddau proffesiynol i raddedigion y gellir eu trosglwyddo o fewn sectorau busnes ac o sector i sector. Mae sgiliau llafar ac ysgrifenedig yn cael eu datblygu gan alluogi unigolion i fagu hyder drwy’r rhaglen astudio.
Ymysg y cyfleoedd gyrfa arferol mae rheolwyr sifft, goruchwylwyr cynhyrchu, rheolwyr peirianneg, rheolwyr ansawdd, rheolwyr cynllunio ac amserlennu, rheolwyr/cyfarwyddwyr gweithrediadau. Mae pob un o’n graddedigion sydd wedi astudio’n rhan-amser wedi cael dyrchafiad yn eu swyddi wrth astudio, neu ar ôl cwblhau eu hastudiaethau, ac yn ystyried mai eu cymhwyster sy’n gyfrifol am hynny. Mae graddedigion iau wedi gweld bod eu rhagolygon cyflogaeth wedi gwella a’u bod yn gallu cael gwaith fel peirianyddion llinell, peirianyddion ansawdd ac arbenigwyr y gadwyn gyflenwi. Mae nifer o gwmnïau mawr bellach wedi cydnabod bod y cwrs hwn yn angenrheidiol ar gyfer dyrchafiad neu ar gyfer rôl benodol.