ÃÜÌÒ´«Ã½

A large classroom of students.

Beth yw’r Fframwaith Arfer Proffesiynol?

Beth yw’r Fframwaith Arfer Proffesiynol?

Mae’r Fframwaith Arfer Proffesiynol (FfAP) ym Mhrifysgol Cymru Y Drindod Dewi Sant (PCYDDS) yn strwythur dysgu unigryw a hyblyg a luniwyd i gefnogi gweithwyr proffesiynol i gydbwyso eu hastudiaethau academaidd â’u hymrwymiadau gwaith a phersonol. Mae’r FfAP yn integreiddio dysgu academaidd â phrofiadau ymarferol yn y gweithle gan ddarparu taith addysgol gynhwysfawr sy’n gwella datblygiad personol a phroffesiynol. Gwelwyd bod y FfAP yn llwybr sy’n gallu sicrhau cymwysterau academaidd tra’n cymhwyso sgiliau a gwybodaeth newydd yn uniongyrchol yn y gweithle.  

Gwybodaeth am y Fframwaith Arfer Proffesiynol

Students discussing in class

Ar gyfer pwy mae’r Fframwaith Arfer Proffesiynol?

Lluniwyd y FfAP ar gyfer gweithwyr neu wirfoddolwyr proffesiynol sy’n dymuno camu ymlaen yn eu gyrfaoedd heb dorri ar draws eu cyflogaeth.  Mae’n addas ar gyfer unigolion o bob diwydiant a chefndir proffesiynol, gan gynnig ystod o fodylau generig y gellir eu cymhwyso ar draws amrywiol sectorau. Pa un a ydych yn awyddus i wella eich sgiliau arwain, gwella eich arbenigedd penodol, neu ddilyn diddordeb penodol ym maes hyfforddi a mentora, mae’r FfAP yn darparu’r hyblygrwydd a’r gefnogaeth i’ch helpu i gyflawni eich nodau. 

A man talking with his classmate

Beth yw’r Gofynion Mynediad? 

I gofrestru ar y Fframwaith Arfer Proffesiynol, fel arfer mae angen i ymgeiswyr gael y canlynol: 

  • Mae profiad proffesiynol ar lefel briodol yn werthfawr iawn ac felly fel arfer mae’n cael ei ystyried yn gyfwerth â dyfarniadau addysg uwch.  

  • Profiad gwaith perthnasol yn eu dewis faes. 

  • Awydd i integreiddio dysgu academaidd ag arfer yn y gweithle. 

I’r rhai sy’n dymuno defnyddio eu dysgu blaenorol drwy brofiad, mae’r FfAP yn cynnig y modwl Cydnabod ac Achredu Dysgu (RAL), sy’n caniatáu i ddysgwyr hawlio hyd at ddwy ran o dair o’u cymhwyster yn seiliedig ar eu gwybodaeth a’u sgiliau cyfredol.  

Myfyriwr yn gweithio ar brosiect modurol

I Bwy mae Hyn yn Berthnasol?

Mae’r Fframwaith Arfer Proffesiynol yn berthnasol i: 

  • Weithwyr proffesiynol sy’n awyddus i ddatblygu’u gyrfa: Mae’n ddelfrydol ar gyfer y rhai sydd eisiau gwella eu sgiliau a’u gwybodaeth heb gymryd saib o’u swydd. 

  • Gweithwyr proffesiynol profiadol sy’n awyddus i gael achrediad am eu dysgu cyfredol drwy brofiad: Mae modwl y FfAP, Cydnabod ac Achredu Dysgu Blaenorol, yn galluogi dysgwyr i hawlio hyd at ddwy ran o dair o ddyfarniad drwy adfyfyrio ar ddysgu blaenorol drwy brofiad. 

  • Cyflogwyr: Sefydliadau sy’n awyddus i fuddsoddi yn natblygiad eu cyflogwyr a gwella perfformiad yn y gweithle. 

  • Unigolion sydd â diddordeb mewn hyfforddi a mentora: Mae dyfarniadau penodol fel yr MA, y Diploma Ôl-raddedig a’r Dystysgrif Ôl-raddedig mewn Hyfforddi a Mentora, ar gael i’r rhai sydd am ganolbwyntio ar ddatblygu neu achredu’r sgiliau penodol hyn. 

  • Dysgwyr o ddiwydiannau amrywiol: Mae modylau generig a strwythur hyblyg y FfAP yn ei wneud yn addas ar gyfer gweithwyr proffesiynol ar draws amrywiol feysydd, gan gynnwys busnes, gofal iechyd, addysg, peirianneg a mwy. 

Students discussing in the classroom.

Sut i wneud Cais

Mae gwneud cais am y Fframwaith Arfer Proffesiynol yn syml. Dilynwch y camau hyn i ddechrau eich taith addysgol: 

  1. Ewch i wefan y Drindod Dewi Sant: Ewch i adran y FfAP i gael gwybodaeth fanwl am y rhaglenni a gynigir. 

  2. Dewiswch eich rhaglen: Dewiswch y dyfarniad a’r modylau penodol sy’n cyd-fynd â’ch nodau a’ch diddordebau proffesiynol. 

  3. Trefnwch drafodaeth: Byddai aelod o dîm Derbyn FfAP yn falch iawn i drafod eich dyheadau gyrfa a’ch helpu i benderfynu ar y lefel fwyaf addas i chi. 

  4. Cyflwynwch eich cais: Cwblhewch y ffurflen gais ar-lein a’i chyflwyno ynghyd â’ch dogfennau ategol.