Cardiff Healthcare Innovation Ltd
Teitl: Lleihau Symudiad mewn Delweddu Clinigol Trwy Adborth Cleifion
Maes Ymchwil: Symudiad Dynol a Mesur Perfformiad / Cipio Realiti, Modelu 3D ac Efelychu Rhithwir / Argraffu 3D a Phrototeipio
Partner: Cardiff Healthcare Innovation Ltd
Amlinelliad o’r prosiect
Amlinelliad o’r prosiect
Mewn cydweithrediad â Chyflymydd Arloesi Clinigol (CIA) Prifysgol Caerdydd a’r Ganolfan Delweddu Ymchwil yr Ymennydd (CUBRIC), gweithiodd Cardiff Healthcare Innovation Ltd mewn partneriaeth ag ATiC i ddatblygu system adborth cleifion gyda’r nod o fynd i’r afael â’r her bod cleifion yn symud yn ystod gweithdrefnau delweddu clinigol fel sganiau MRI, CT a PET. Gall symudiad pen yn ystod sganiau - yn enwedig wrth ddelweddu’r ymennydd - ddiraddio ansawdd y ddelwedd, gan ofyn yn aml am ail-wneud sganiau.
Mae atebion traddodiadol, fel systemau cipio symudiad neu fygydau atal symud, naill ai’n gostus, yn cymryd llawer o amser, neu’n anghyfforddus i gleifion.
Cyfraniad ATiC:
Er mwyn goresgyn y cyfyngiadau hyn, datblygodd y tîm system datgelu symudiad syml, cost isel sy’n darparu adborth amser real i gleifion, gan eu galluogi i hunan-reoleiddio symudiad yn ystod sganiau.
Arbenigedd ATiC:
- Cyd-ddylunio, datblygu a gwerthuso system caledwedd a meddalwedd datgelu symudiad i ddarparu adborth amser real i gleifion.
- Cynnal profion dilysu i ddangos effeithiolrwydd y system wrth leihau symudiad y pen ar draws gwahanol ddulliau delweddu.
- Ymchwilio i ddeunyddiau MRI-ddiogel a chynnal profion cyfforddusrwydd thermol i sicrhau bod y ddyfais yn ddiogel ac yn gyfforddus i ddefnyddwyr.
- Cyfrannu at ddyluniad ergonomig y system adborth, gan ganolbwyntio ar ryngweithio defnyddwyr a dewis deunyddiau
Effaith:
Cyflwynodd y prosiect brototeip oedd yn gweithio a data ategol i ddilysu ei effeithiolrwydd – gan osod y sylfaen ar gyfer cynnyrch trwyddedadwy y gellid ei dyfu’n unol â’r gofynion, a allai wella canlyniadau delweddu ar draws lleoliadau gofal iechyd.
