���Ҵ�ý

Mae myfyrwyr blwyddyn olaf rhaglen Dylunio Patrymau Arwyneb a Thecstilau Prifysgol Cymru Y Drindod Dewi Sant yn dathlu ar ôl creu argraff arbennig yn New Designers 2025, un o brif arddangosfeydd dylunio graddedigion y DU.

Ymhlith y myfyrwyr amlwg oedd Mini Sharma McLachlan, a ddyfarnwyd iddi £1,500  gan y cwmni dylunio cartref a phapur wal blaenllaw Cole & Son. Yn adnabyddus yn fyd-eang am eu dyluniadau unigryw ac arloesol, nododd y cwmni sgiliau lluniadu eithriadol, llyfrau braslunio, a chasgliad patrymau cywrain a deinamig Mimi.

Meddai Georgia McKie, Rheolwr Rhaglen Patrymau Arwyneb a Thecstilau yng Ngholeg Celf Abertawe Y Drindod Dewi Sant:

“Mae derbyn anrhydedd gan frand mor fawreddog â Cole & Son yn foment i bob un ohonom yn yr Adran. Mae’r brand hwn yn ysbrydoliaeth gyson i’n tîm a’n myfyrwyr, ac mae eu  cydnabyddiaeth o ddawn Mini mor gadarnhaol. Rydym wrth ein bodd dros Mini, ac ni allwn aros i weld beth mae hi’n ei wneud nesaf, a ble mae ei chysylltiad â’r brand hwn yn mynd â hi. Roedd ei arluniadau yn sefyll allan i’r beirniaid; roedden nhw wrth eu bodd â’i llyfrau braslunio ac fe wnaethant argraff arnynt.”

Cyflwynwyd y gwobrau yn New Designers gan y dylunydd Prydeinig chwedlonol y Fonesig Zandra Rhodes, a agorodd y sioe a dathlodd greadigrwydd carfan eleni o dalent sy’n dod i’r amlwg.

Gwnaeth myfyrwyr eraill y Drindod Dewi Sant argraff gref ar feirniaid a brandiau’r diwydiant hefyd:

• Derbyniodd Aimee Rayner docynnau cariad - gwobrau cydnabyddiaeth - gan Laura Ashley a Romo, y ddau gwmni uchel eu parch ym maes dylunio cartref a thecstilau. Mae Aimee hefyd wedi sicrhau interniaeth fawreddog o 13 mis â thâl gyda Rolls-Royce, o ganlyniad i’w gwaith eithriadol ar brosiect diwydiant byw yn ystod ei gradd.
• Derbyniodd Lily Staniforth docyn cariad gan Habitat, gan gydnabod ei chreadigrwydd a’i photensial fel dylunydd patrymau arwyneb.

Dywedodd Mini Sharma McLachlan:

“Rydw i mor ddiolchgar fy mod wedi cael fy newis gan Cole & Son. Mae’r brand hwn bob amser wedi bod yn ysbrydoliaeth, ac rwy’n dal i fod mewn sioc i gael fy nghydnabod ganddyn nhw mewn digwyddiad mor fawr. Ni allwn fod wedi gwneud hynny heb gefnogaeth anhygoel ein darlithwyr yn y Drindod Dewi Sant.”

Mae New Designers, a gynhelir yn flynyddol yn Llundain, yn arddangos talent dylunio sy’n dod i’r amlwg gorau yn y DU ac yn denu brandiau mawr, recriwtwyr a rhai sy’n darogan tueddiadau yn y farchnad. Mae’r digwyddiad yn blatfform allweddol i fyfyrwyr blwyddyn olaf gysylltu â diwydiant, ennill amlygiad, a lansio eu gyrfaoedd proffesiynol.

Dywedodd Caroline Thraves, Cyfarwyddwr Academaidd Celf a’r Cyfryngau: “Rydym yn hynod falch o Mini, Aimee, Lily, a’n holl fyfyrwyr talentog a gynrychiolodd y Drindod Dewi Sant yn New Designers 2025. Mae eu llwyddiant yn tynnu sylw nid yn unig at eu creadigrwydd a’u hymdrech unigol ond cryfder a pherthnasedd ein rhaglen Dylunio Patrymau Arwyneb a Thecstilau i’r diwydiant.”

Gwybodaeth Bellach

Rebecca Davies

Swyddog Gweithredol Cysylltiadau â’r Wasg a’r Cyfryngau     
Cyfathrebu Corfforaethol a Chysylltiadau Cyhoeddus     
E-bost: rebecca.davies@pcydds.ac.uk     
���ô��:&�Բ�����;07384&�Բ�����;467071