Myfyrwyr Dylunio Graffeg Coleg Celf Abertawe yn cael eu cydnabod yng Ngwobrau Creative Conscience 2024
Mae pum myfyriwr Dylunio Graffeg o Goleg Gelf Abertawe, Prifysgol Cymru Y Drindod Dewi Sant (PCYDDS) wedi ennill cydnabyddiaeth uchel yng Ngwobrau Creative Conscience 2024, gan ennill gwobrau arian a chymeradwyaeth uchel. Mae enwau’r enillwyr a gyhoeddwyd ar Fedi 24, yn cynnwys Erin Harvey, Harry Wilson, Kisha Dibba, Yasmin Prior a Grainne James. Roedd eu prosiectau dylunio arloesol a ysgogir gan gymdeithas yn rhan o’u gwaith prifysgol yn y drydedd flwyddyn ac astudiaethau meistr.
Mae Creative Conscience yn sefydliad dielw byd-eang sy’n hyrwyddo’r defnydd o feddwl creadigol a dylunio i ysbrydoli newid cadarnhaol. Roedd y gwobrau eleni wedi tynnu sylw at brosiectau a ysgogir gan bwrpas megis iechyd, llesiant, cynaliadwyedd a hawliau dynol. Mae Coleg Celf Abertawe yn rhannu’r gwerthoedd hyn ac yn annog ei fyfyrwyr i ymgysylltu â phynciau sy’n meithrin cyfrifoldeb cymdeithasol ac amgylcheddol.
Prosiectau Arobryn
Prosiect:
Cafodd Erin Harvey ganmoliaeth uchel yn y categori Iechyd, Llesiant ac Anabledd ac enillodd categori Teipograffeg. Mae ei phrosiect yn defnyddio dulliau argraffu blociau pren i hyrwyddo buddion therapi dŵr oer, ymarfer a archwiliodd gan ddefnyddio dulliau argraffu traddodiadol. Mae ei gwaith yn cyfleu’r synau a wneir yn ystod trochi dŵr oer gyda hiwmor, gan gynnig golwg unigryw ar y dechneg therapiwtig.
Prosiect:
Enillodd Harry Wilson gymeradwyaeth uchel yng nghategori Iechyd Meddwl ar gyfer ei ddyluniad o KIIN, ap symudol sy’n canolbwyntio ar helpu dynion i fynd i’r afael â heriau iechyd meddwl. Mae’r ap yn defnyddio athroniaeth stoiciaeth i adeiladu cymuned lle mae dynion yn cefnogi ei gilydd, gan fynd i’r afael â theimladau o unigedd drwy offer digidol. Mae’r prosiect yn cyfuno seicoleg, athroniaeth a strategaethau hunangymorth.
Prosiect:
Cafodd Kisha Dibba ei chymeradwyo’n uchel ac ennillodd yn y categori Conscious Consumption am ei hymgyrch, Sustainability Blooms. Mae menter Kisha yn hyrwyddo blodau wedi’u tyfu’n lleol, gan bwysleisio buddion amgylcheddol a ffresni dewis blodau lleol dros rai sydd wedi’u mewnforio.
Prosiect:
Enillodd Yasmin Prior gategori Hawliau Dynol am ei phrosiect yn mynd i’r afael â thlodi mislif yn Abertawe. Nod ei hymgyrch, RED, yw lleihau’r stigma sy’n ymwneud â’r mislif a darparu cynnyrch mislif rhad ac am ddim. Mae’r prosiect yn cynnwys atebion teipograffeg, can ddefnyddio cod QR a negeseuon sydd wedi’u hargraffu ar ddrysau toiledau i ymgysylltu â menywod lleol.
Prosiect:
Cafodd Grainne James ganmoliaeth uchel yn y categori Iechyd, Llesiant ac Anabledd am ei dyluniad pecynnu unigryw a gafodd ei ysbrydoli gan The Divine Comedy ganDante. Mae ei gwaith yn gwneud cysylltiadau rhwng cyfnodau’r cylch mislif a themâu llenyddol o boen, cywilydd a llawenydd, gan gynnig ymagwedd meddylgar a thrawiadol yn weledol i gynnyrch mislif.
Meddai Donna Williams, Rheolwr Rhaglen BA Dylunio Graffeg yn PCYDDS:
Rydym yn hynod falch o’n myfyrwyr a’r effaith maen nhw’n eu gwneud drwy ddylunio. Mae’r gydnabyddiaeth gan Gydwybod Greadigol yn tanlinellu pwysigrwydd creadigrwydd a yrrir gan bwrpas a’r cyfleoedd rhagorol sydd ar gael yng Ngholeg Celf Abertawe.”
Ychwanegodd Caroline Thraves, Cyfarwyddwr Academaidd Celf a’r Cyfryngau yn PCYDDS:
Mae’r cyflawniad yn arddangos y profiadau cyfoethog y mae ein myfyrwyr yn eu cael yng Ngholeg Celf Abertawe. Gyda’n rhaglen BA Dylunio Graffeg wedi’i graddio’n gyntaf yng Nghymru a 13eg yn y DU, rydym yn parhau i baratoi myfyrwyr ar gyfer llwyddiant drwy feithrin eu sgiliau wrth gydweithio â sefydliadau blaengar megis Creative Conscience.”
Am fwy o wybodaeth am raglen BA Dylunio Graffeg yn PCYDDS, cysylltwch â Donna Williams yn donna.williams@uwtsd.ac.uk.
Gwybodaeth Bellach
Rebecca Davies
Swyddog Gweithredol Cysylltiadau â’r Wasg a’r Cyfryngau
Cyfathrebu Corfforaethol a Chysylltiadau Cyhoeddus
E-bost: rebecca.davies@pcydds.ac.uk
ô:&Բ;07384&Բ;467071