Rhaglenni Twristiaeth a Digwyddiadau PCYDDS yn y rownd derfynol unwaith eto yng Ngwobrau mawreddog y Sefydliad Lletygarwch
Mewn carreg filltir glodwiw ar gyfer 2025, mae’r tîm wedi cyrraedd y rownd derfynol mewn dau gategori: ar gyfer y Rhaglen Addysg Orau, a enillwyd ganddyn nhw yn fuddugoliaethus yn 2023, a’r Tîm Datblygu’r Doniau Gorau, gan nodi cyflawniad arwyddocaol arall i’r Drindod Dewi Sant. Mae’r ddau enwebiad yn gosod y brifysgol mewn cwmni uchel ei barch, gan gystadlu â rhai o’r chwaraewyr mwyaf dylanwadol a sefydledig yn y diwydiant lletygarwch byd-eang.
Mae’r gydnabyddiaeth yn tynnu sylw at ymagwedd arloesol PCYDDS at ddysgu ymdrochol a’u cydweithrediadau yn y diwydiant yn gyntaf, yn enwedig trwy eu partneriaeth ag Arena Abertawe. Trwy gyfuniad deinamig o ymgysylltiadau diwydiant, prosiectau digwyddiadau byw, cyfleoedd gwirfoddoli, a theithiau maes rhyngwladol, cynigir profiadau byd go iawn i fyfyrwyr sy’n rhagori ar addysgu dosbarth traddodiadol.
Meddai Jacqui Jones, Rheolwr Rhaglen – Portffolio Rheoli Teithio, Twristiaeth, Digwyddiadau a Gwyliau Rhyngwladol: “Diolch yn fawr iawn i’r tîm staff ymroddedig, myfyrwyr angerddol, cyn-fyfyrwyr cefnogol, a’r Tîm Dysgu Digidol yn PCYDDS, a alluogodd fyfyrwyr i gymryd rhan mewn profiadau hyfforddi efelychu gan ddefnyddio’r dechnoleg ddigidol yn Ystafell Ymdrochol y Brifysgol.
“Ac i’n partneriaid cefnogol; Arena Abertawe a’r Sefydliad Teithio a Thwristiaeth y bu ein myfyrwyr yn gweithio gyda nhw ar y cyd i gynnal cynhadledd a ffair yrfaoedd Future You Cymru arall a dorrodd record, a’r Prosiect Addysgol All Aboard y mae GWR yn ei ariannu. Mae eu cyfraniad ar y cyd wedi bod yn allweddol wrth yrru cenhadaeth addysgol y brifysgol ymlaen ac ennill clod cenedlaethol.â€
Mae Gwobrau Blynyddol y Sefydliad Lletygarwch yn ddathliad byd-eang o ddoniau, arloesi a rhagoriaeth ar draws y sector lletygarwch. Cyhoeddir yr enillwyr mewn cinio fawreddog tei du nos Lun, 16 Mehefin 2025, yng ngwesty eiconig Grosvenor House JW Marriott, Llundain.
Wrth fyfyrio ar y digwyddiad, rhannodd Prif Swyddog Gweithredol IoH Robert Richardson FIH MI:
“Y gwobrau hyn yw uchafbwynt ein blwyddyn galendr, gan ddarparu llwyfan byd-eang i ddathlu doniau, arloesi ac ymroddiad anhygoel gweithwyr proffesiynol a busnesau lletygarwch. Rwy’n falch iawn y bydd sefydliadau ledled y byd unwaith eto yn cael y cyfle i arddangos eu cyflawniadau a chael eu cydnabod am eu cyfraniadau rhagorol.â€
Wrth i’r disgwyl gynyddu ar gyfer y seremoni wobrwyo, mae rhaglenni Twristiaeth a Digwyddiadau PCYDDS yn parhau i bennu’r safon ar gyfer rhagoriaeth mewn addysg a datblygu doniau yn y sector lletygarwch.
Gwybodaeth Bellach
Rebecca Davies
Swyddog Gweithredol Cysylltiadau â’r Wasg a’r Cyfryngau
Cyfathrebu Corfforaethol a Chysylltiadau Cyhoeddus
E-bost: rebecca.davies@pcydds.ac.uk
¹ó´Úô²Ô:&²Ô²ú²õ±è;07384&²Ô²ú²õ±è;467071