���Ҵ�ý

Mae ymchwil gan un o raddedigion MA Addysg Awyr Agored Prifysgol Cymru y Drindod Dewi Sant, Indy Wild, a gyhoeddwyd yn y Journal of Adventure Learning and Outdoor Education, yn archwilio’r elfennau systemig sy’n rhwystro unigolion LGBTQIA+, yn enwedig pobl draws ac anneuaidd, rhag cael mynediad i fannau awyr agored. Mae’n tynnu sylw at sut y gall grwpiau awyr agored dan arweiniad y gymuned feithrin mwy o gynhwysiant, cyfiawnder cymdeithasol, a gweithredu amgylcheddol.

Yn hanesyddol, lluniwyd addysg awyr agored gan brif naratifau amlycaf gwrywdod a heteronormatifrwydd. Er bod mwy o sylw wedi’i roi i brofiadau menywod, mae ymchwil Indy yn tynnu sylw at fwlch amlwg yn y llenyddiaeth sy’n mynd i’r afael ag ymgysylltiad LGBTQIA + â mannau awyr agored. Mae eu hastudiaeth yn ceisio cywiro’r esgeulustod hwn, gan gynnig persbectif newydd ar sut y gall mentrau awyr agored cynhwysol drawsnewid profiadau grwpiau ar y cyrion.

Meddai Indy: 

“Mae cyhoeddi fy ymchwil mewn cyfnodolyn a adolygir gan gymheiriaid yn garreg filltir anhygoel. Ers tro, mae addysg awyr agored wedi eithrio safbwyntiau fel fy un i, a gobeithio y gall fy ngwaith i helpu i symud y naratif tuag at fwy o gynhwysiant.”

Canfyddiadau Allweddol: Rhwystrau, Cymorth Cymunedol a Gweithredu

Gan ddefnyddio dull dulliau cymysg gan gynnwys holiaduron, cyfweliadau lled-strwythuredig, nodiadau maes, a dadansoddiad cyfryngau cymdeithasol, mae ymchwil Indy yn cynnig canfyddiadau hollbwysig ar brofiadau unigolion LGBTQIA + mewn lleoliadau awyr agored. Mae’r canfyddiadau’n datgelu:

• Rhwystrau Systemig: Mae unigolion LGBTQIA+, yn enwedig pobl draws ac anneuaidd, yn wynebu heriau sylweddol wrth geisio mynediad at fannau gwyrdd a glas. Mae’r rhwystrau hyn wedi eu cymhlethu’n fwy byth i’r rhai sy’n profi symleiddio croestoriadol, megis unigolion cwiar sydd hefyd yn niwroamrywiol.

• Rôl Grwpiau Cymunedol: Mae grwpiau gweithgarwch awyr agored penodol i bobl LGBTQIA+ yn chwarae rhan hanfodol wrth leihau’r rhwystrau hyn. Mae’r grwpiau hyn nid yn unig yn darparu mannau diogel a chroesawgar ond hefyd yn meithrin cysylltiadau cymdeithasol, gwytnwch ac ymdeimlad o berthyn.

• Annog Gweithredu Amgylcheddol: Drwy greu cymunedau cynhwysol, mae’r grwpiau awyr agored hyn yn ysbrydoli mwy o ymgysylltiad â gweithredu amgylcheddol, gan ddangos bod cyfiawnder cymdeithasol a llesiant ecolegol yn gysylltiedig iawn â’i gilydd.

• Gobaith yn  Ffactor Amddiffynnol: Mae’r ymchwil yn tanlinellu arwyddocâd gobaith mewn cymunedau ymylol. Drwy adeiladu cymunedau awyr agored cynhwysol, mae unigolion yn cael ymdeimlad o rymuso ac optimistiaeth, sy’n hanfodol ar gyfer iechyd meddwl a gwytnwch cymunedol.

Meddai Indy: 

“Datgelodd fy nghanfyddiadau fod grwpiau awyr agored nid yn unig yn cael gwared ar rwystrau ond hefyd yn effeithio’n sylweddol ar fywydau cyfranogwyr. Mae’r grwpiau hyn yn creu ymdeimlad o gymuned, yn gyrru gweithredu amgylcheddol, ac yn cynnig gobaith, rhywbeth hanfodol i’r rhai sy’n wynebu allgáu cymdeithasol.”

Galw am Newid mewn Addysg a Pholisi Awyr Agored

Mae cyhoeddi ymchwil Indy yn fwy na champ academaidd. Mae’n alwad am weithredu. Mae’r canfyddiadau’n pledio am newidiadau polisi mewn addysg a hamdden awyr agored, gan annog sefydliadau a llunwyr polisi i fabwysiadu arferion cynhwysol sy’n cefnogi unigolion LGBTQIA+ a grwpiau ymylol eraill.

“Mae gan y papur hwn y potensial i sbarduno newid cadarnhaol mewn polisïau a gweithdrefnau. O ystyried yr argyfwng hinsawdd a thrawsffobia cynyddol, mae sicrhau mynediad cynhwysol at fannau awyr agored yn bwysicach nag erioed. Mae llawer o newidiadau bach yn cael effaith fawr, a gyda’n gilydd, gallwn ni greu byd mwy cynhwysol a chyfiawn.”

Meddai Darlithydd Addysg Antur Y Drindod Dewi Sant, Mache Treviño:

“Dechreuais weithio gyda Indy yn Oruchwyliwr Traethawd Hir MA arni, proses yr ymunais â nhw yng ngham olaf yr ymchwil a’r cyhoeddiad. Yn gyn-fyfyriwr, mae Lizzie wedi cytuno’n garedig i ymuno yn Ddarlithydd Gwadd yn ein rhaglen - mae eu canfyddiad dwfn a’u hymrwymiad i ymchwil o safon a’u hegni tuag at ehangu ein maes gwybodaeth yn ymarferwyr Addysg Awyr Agored. Mae’n anrhydedd i mi ymuno â’r llwybr hwn ac rwy’n awyddus i ddilyn eu trywydd gan ei fod yn addo chwarae rhan hanfodol wrth wthio am drawsnewid yr awyr agored.”

Pontio Ymchwil ac Ymarfer

Ers cwblhau ei MA yn Y Drindod Dewi Sant, mae Indy wedi mynd ati i hyrwyddo dysgu awyr agored cynhwysol. Maent yn rhedeg cwmni hyfforddi Ysgol Goedwig yn Swydd Hampshire, lle mae Indy n integreiddio eu canfyddiadau ymchwil i raglenni hyfforddi sy’n hyrwyddo amrywiaeth a hygyrchedd. Mae Indy hefyd wedi datblygu cyrsiau ar gynhwysiant traws mewn addysg awyr agored ac yn parhau i gefnogi ymgysylltiad LGBTQIA+ â natur.

Mae Indy yn gwneud cais am ysgoloriaethau PhD i fwrw ymlaen â’i hymchwil i groestoriadaeth a mynediad awyr agored, gan ganolbwyntio’n benodol ar fannau glas megis afonydd a llynnoedd, sef maes sydd wedi cael llai fyth o sylw academaidd.

“Rwy’n gobeithio y bydd yr ymchwil hwn yn sbarduno astudiaethau pellach ar groesffordd hunaniaeth a natur. Dylai’r awyr agored fod ar gyfer pawb, a thrwy ymchwil ac eiriol parhaus, gallwn ni weithio tuag at ddiwylliant awyr agored mwy teg a chroesawgar.”

I ddarllen erthygl Indy’n llawn, cliciwch yma: 

Am fwy o wybodaeth am Gwrs MA Addysg Awyr Agored y Drindod Dewi Sant, ewch i: Addysg Awyr Agored (Rhan amser) | Prifysgol Cymru Y Drindod Dewi Sant

Gwybodaeth Bellach

Lowri Thomas

Prif Swyddog Cyfathrebu a Chysylltiadau Cyhoeddus      
Cyfathrebu Corfforaethol a Chysylltiadau Cyhoeddus      
E-bost: lowri.thomas@pcydds.ac.uk      
���ô��:&�Բ�����;07449&�Բ�����;998476