Cyfrifiadura (Peirianneg Meddalwedd) gyda Blwyddyn Sylfaen (Llawn amser) (BSc Anrh)
Mae ein rhaglen Peirianneg Meddalwedd, sy’n cynnwys blwyddyn sylfaen, wedi’i chynllunio ar gyfer y rhai sy’n newydd i faes cyfrifiadura neu sydd angen cryfhau eu sgiliau cyn dechrau gradd. Mae’r cwrs hwn yn cynnig cyflwyniad cefnogol, gan feithrin eich hyder a’ch gwybodaeth mewn meysydd hanfodol o beirianneg meddalwedd.
Yn y flwyddyn sylfaen, byddwch yn adeiladu sylfaen gadarn mewn sgiliau cyfrifiadura hanfodol, gan gwmpasu ystod eang o bynciau sylfaenol megis ieithoedd rhaglennu sylfaenol, technegau datrys problemau, a chysyniadau dylunio meddalwedd sylfaenol. Mae’r cam hwn yn canolbwyntio ar ddatblygu eich cymwyseddau craidd mewn cyfrifiadura, gan sicrhau eich bod wedi’ch paratoi’n dda i fynd i’r afael â modylau peirianneg meddalwedd mwy arbenigol. Wrth i chi fynd yn eich blaen drwy’r rhaglen, byddwch yn symud i archwilio egwyddorion datblygu meddalwedd a pheirianneg, gan ddysgu sut i ddylunio, creu a rheoli systemau meddalwedd cymhleth yn hyderus.
Mae prif raglen y radd yn cynnwys ystod eang o dechnegau datblygu meddalwedd. Byddwch yn dysgu sut i nodi a defnyddio’r offer datblygu meddalwedd a thechnolegau datblygu meddalwedd priodol ar gyfer gwahanol dasgau.
Mae’r cwricwlwm yn cynnwys cymysgedd o theori a dysgu ymarferol, gan roi profiad ymarferol o dechnolegau blaengar i chi. Mae’r dull ymarferol hwn yn eich helpu i ddatblygu sgiliau datrys problemau cryf, sy’n hanfodol ar i’w defnyddio yn y byd go iawn. Un o brif fanteision ein cwrs yw’r ffocws ar sgiliau technegol a phroffesiynol. Byddwch yn meithrin arbenigedd mewn rhaglennu uwch a’r gallu i weithio ar ddatblygu gwe pentwr llawn. Mae’r cwrs hefyd yn cynnwys pensaernïaeth meddalwedd, gan eich dysgu sut i ddylunio systemau cadarn ac effeithlon. Ochr yn ochr â hyfforddiant technegol, rydym yn pwysleisio rheoli prosiectau, gan eich paratoi i arwain prosiectau a gweithio’n effeithiol o fewn timau.
Mae ein rhaglen yn aros yn rheng flaen y ddisgyblaeth trwy ddiweddaru ei chynnwys yn gyson i adlewyrchu’r tueddiadau diweddaraf yn y diwydiant. Mae hyn yn sicrhau eich bod yn cael gwybodaeth a sgiliau sy’n berthnasol ac y mae galw amdanynt. Ar ôl graddio, byddwch yn barod i ddilyn cyfleoedd gyrfa amrywiol mewn sefydliadau meddalwedd arbenigol neu mewn cwmnïau sy’n buddsoddi mewn datblygu systemau meddalwedd uwch.
Mae cwblhau’r radd hon gyda blwyddyn sylfaen nid yn unig yn rhoi addysg gynhwysfawr i chi mewn peirianneg meddalwedd ond hefyd yn meithrin eich sgiliau cyflogaeth trosglwyddadwy. Byddwch yn barod i fynd i’r afael â phrosiectau meddalwedd cymhleth a llwyddo mewn diwydiant deinamig sy’n datblygu’n gyflym. Mae’r cwrs hwn yn ddelfrydol ar gyfer y rhai sy’n dymuno dechrau’n gryf ac adeiladu sylfaen gadarn mewn peirianneg meddalwedd.
Manylion y cwrs
- Ar y campws
- Llawn amser
- Saesneg
- Dwyieithog
Ffioedd Israddedig
Cartref (Llawn amser): £9,535 y flwyddyn
Tramor (Llawn amser): £15,525 y flwyddyn
Pam dewis y cwrs hwn
Beth fyddwch chi'n ei ddysgu
Rydym yn credu mewn dysgu ymarferol ynghyd â sylfeini damcaniaethol cryf. Mae ein dull addysgu yn sicrhau eich bod yn meithrin sgiliau sy’n berthnasol i’r diwydiant, gan eich paratoi i ragori mewn amgylcheddau’r byd go iawn.
Yn eich blwyddyn gyntaf cewch eich cyflwyno i ieithoedd rhaglennu sylfaenol, technegau datblygu meddalwedd ac egwyddorion peirianneg meddalwedd. Mae’r flwyddyn hon yn gosod y sylfaen ar gyfer eich astudiaethau, gan roi sgiliau datrys problemau hanfodol a phrofiad ymarferol gyda thechnolegau blaengar i chi.
Gorfodol
(20 credydau)
(20 credydau)
(20 credydau)
(20 credydau)
(20 credydau)
(20 credydau)
Mae’r ail flwyddyn yn dyfnhau eich dealltwriaeth o ddiogelwch data, cydymffurfio a phrofi peirianneg meddalwedd. Byddwch hefyd yn astudio systemau gweithredu ac ymchwilio i agweddau mwy cymhleth ar ddatblygu meddalwedd, gan wella eich sgiliau rheoli a datblygu systemau meddalwedd cymhleth.
Gorfodol
(20 credydau)
(20 credydau)
(20 credydau)
(20 credydau)
(20 credydau)
(20 credydau)
Yn y drydedd flwyddyn, byddwch yn archwilio datblygu gwe pentwr llawn a rheoli prosiectau, gan gael profiad ymarferol yn y meysydd hyn. Mae’r flwyddyn hon yn hanfodol ar gyfer dysgu am bensaernïaeth meddalwedd a dylunio atebion meddalwedd cadarn, gan eich paratoi ar gyfer heriau proffesiynol.
Gorfodol
(20 credydau)
(20 credydau)
(20 credydau)
(20 credydau)
(20 credydau)
(20 credydau)
Mae’r flwyddyn olaf yn canolbwyntio ar ddeallusrwydd artiffisial a dysgu peirianyddol, gan bwysleisio tueddiadau sy’n dod i’r amlwg a sgiliau proffesiynol. Byddwch yn ymgymryd â phrosiect annibynnol, gan ddefnyddio eich gwybodaeth ar gyfer problemau diwydiant y byd go iawn, gan sicrhau eich bod chi’n barod ar gyfer gyrfa lwyddiannus mewn peirianneg meddalwedd.
Gorfodol
(40 credydau)
(20 credydau)
(20 credydau)
(20 credydau)
(20 credydau)
Course Disclaimer
-
Mae’r modylau a amlinellir uchod yn enghreifftiau o’r hyn y gallwch ddisgwyl ei ddysgu ar y cwrs hwn yn seiliedig ar addysgu academaidd diweddar. Rydym yn adolygu ein cyrsiau yn barhaus i sicrhau bod yr ansawdd yn cael ei wella ac er mwyn rheoli ein hadnoddau. Gall yr union fodylau sydd ar gael i chi yn y dyfodol amrywio yn amodol ar argaeledd a diddordebau ymchwil staff, pynciau astudio newydd, amserlennu a galw myfyrwyr. Os yw eich cwrs yn cynnwys modylau dewisol, diben rhain yw darparu elfen o ddewis o fewn y cwrs. Gall argaeledd modylau dewisol amrywio o flwyddyn i flwyddyn a byddant yn amodol ar gyflawni isafswm niferoedd myfyrwyr. Golyga hyn na ellir gwarantu argaeledd modylau dewisol penodol.
Fel arfer, byddwch yn cwblhau 120 credyd y flwyddyn astudio ar gwrs llawn amser. I gael rhagor o wybodaeth ewch i’n Cytundeb Myfyrwyr.
tysteb
Mae’r Drindod Dewi Sant yn falch o fod yn Bartner Cisco Premier+, gan gydnabod ein harbenigedd mewn rhwydweithio a seiberddiogelwch. Mae’r bartneriaeth hon yn rhoi mynediad i’n myfyrwyr at dechnoleg sy’n arwain y diwydiant, hyfforddiant ymarferol, ac ardystiadau a gydnabyddir yn fyd-eang, gan wella eu rhagolygon gyrfa yn y sector TG. Fel Partner Premier+, mae’r Drindod Dewi Sant yn elwa o adnoddau unigryw, cymorth arbenigol a chydweithrediadau ymchwil, gan sicrhau ein bod yn parhau i fod ar flaen y gad o ran arloesi digidol.
Staff
Staff
Cewch chi eich dysgu a’ch cefnogi gan ystod eang o staff a thimau proffesiynol yma i’ch helpu i gael y profiad prifysgol rydych chi’n chwilio amdano. Roedd ein staff addysgu yn 2il yng Nghymru am Addysgu, Asesu ac Adborth a Chymorth Academaidd (ACF 2024) sy’n golygu y bydd y cymorth a’r adborth a gewch chi yn eich helpu chi i ddysgu a datblygu sgiliau academaidd cryf. Mae ein myfyrwyr wedi ein rhoi ni yn 1af yng Nghymru am Gyfleoedd Dysgu a Llais Myfyrwyr (ACF 2024) sy’n golygu bod ystod eang o gyfleoedd ar gael i wella eich astudiaethau a bod myfyrwyr yn chwarae rhan weithredol wrth lunio eu profiadau dysgu. Mae ein hymrwymiad i’ch dysgu chi wedi golygu bod ein myfyrwyr yn ein rhoi ni yn 1af yng Nghymru ac yn gydradd 3ydd yn y DU am foddhad myfyrwyr (Times Higher Education, 2024, mesur ‘Positifrwydd Cyffredinol’). Dysgwch ragor am ein staff academaidd sy’n addysgu ar draws ein cyrsiau.
Gwybodaeth allweddol
-
32 o Bwyntiau Tariff UCAS
- e.e. Safon Uwch: E, BTEC: PPP, IB: 24
Mae’r sgôr tariff UCAS yn berthnasol i chi os ydych chi wedi astudio cymhwyster yn ddiweddar sy’n gyfwerth â thariff UCAS . Mae UCAS yn darparu er mwyn i chi weithio allan beth yw gwerth eich cymhwyster o fewn tariff UCAS.
TGAU
Mae angen TGAU gradd A*-C (gradd 9-4 yn Lloegr) mewn Saesneg a Mathemateg hefyd.
Llwybrau mynediad amgen
Os ydy’r cwrs hwn o ddiddordeb i chi, ond nid yw’r gofynion mynediad gennych i ymuno â’n gradd baglor, gallech ystyried:
- ‘gyda Blwyddyn Sylfaen’. Mae’r llwybr hwn wedi’i gynllunio i roi cymorth ychwanegol i chi am ei fod yn rhoi blwyddyn ychwanegol (llawn amser) i chi o astudio wedi’i gefnogi.
Unwaith y byddwch chi wedi cwblhau eich astudiaethau Blwyddyn Sylfaen, byddwch yn symud ymlaen yn awtomatig i’r brif radd.
- Tystysgrif Addysg Uwch (TystAU). Cwrs un flwyddyn yw hwn ac mae’n gyfwerth â blwyddyn gyntaf y radd baglor tair blynedd, llawn amser.
Unwaith y byddwch wedi cwblhau eich astudiaethau TystAU, byddwch yn gymwys i symud ymlaen i’r ddwy flynedd sy’n weddill o’r radd baglor.
Mae’r rhain yn llwybrau delfrydol os ydych yn dychwelyd i astudio ar ôl seibiant, neu os nad ydych wedi astudio’r pwnc hwn o’r blaen, neu os na wnaethoch chi gyflawni’r graddau sydd eu hangen i gael lle ar y radd hon.
Cyngor a Chymorth Derbyn
Efallai y gwnawn ni roi cynnig is i chi yn seiliedig ar ystod o ffactorau, fel eich cefndir, profiadau ac amgylchiadau unigol. Gelwir hyn yn‘’Derbyniadau Cyd-destunol’. I gael cyngor a chymorth penodol, gallwch gysylltu â’n tîm ymholiadau i gael rhagor o wybodaeth am ofynion mynediad.
Gofynion Iaith Saesneg
Os nad Saesneg yw eich iaith gyntaf, neu os nad ydych wedi astudio drwy gyfrwng y Saesneg o’r blaen, mae ein gofyniad arferol yn gyfwerth â sgôr o 6.0 y System Brofi Iaith Saesneg Rhyngwladol (Prawf Academaidd IELTS), heb gael llai na 5.5 ym mhob un o’r is-brofion. Rydym hefyd yn derbyn profion iaith Saesneg eraill.
Ewch i ymweld ag adran Ceisiadau Rhyngwladol ein gwefan i ddysgu rhagor am ein Gofynion Iaith Saesneg a Chyrsiau Iaith Saesneg ymlaen llaw.
Gofynion fisa ac ariannu
Os nad ydych o’r DU ac nid oes gennych breswyliad yma yn barod, efallai bydd angen i chi wneud cais am fisa.
Ar gyfer cyrsiau sy’n fwy na chwe mis, bydd angen fisa myfyrwyr arnoch chi.
Dylai myfyrwyr rhyngwladol sydd angen fisa Myfyriwr wneud cais am ein cyrsiau llawn amser gan eu bod yn gymwys ar gyfer nawdd fisa Myfyriwr.
I gael yr holl wybodaeth, darllenwch y dudalen gwneud cais am fisa a chanllawiau.
Sylwch mai dim ond ar gyfer rhaglenni wyneb yn wyneb, ar gampws, heb elfennau astudio ar-lein y gall myfyrwyr sy’n derbyn Cymorth Ffederal yr Unol Daleithiau wneud cais.
-
Nod yr Ysgol Cyfrifiadura Cymhwysol yw cynhyrchu graddedigion sy’n helpu i siapio dyfodol peirianneg meddalwedd. Mae cynnwys y cwrs yn gyfoes ac wedi’i lunio er mwyn annog cyflogadwyedd drwy gysylltiadau agos gyda chyflogwyr lleol a chenedlaethol.
Caiff myfyrwyr eu hasesu trwy gyfuniad o daflenni gwaith, asesiadau ymarferol, cyflwyniadau, prosiectau ac arholiadau. Yn aml, caiff modylau eu hasesu drwy aseiniadau, neu aseiniad ac arholiad. Gall y marc terfynol ar gyfer rhai modylau gynnwys gosod a chwblhau un neu fwy darn o waith cwrs yn ystod y modwl. Caiff gwaith prosiect ei asesu gan adroddiad ysgrifenedig a chyflwyniad.
Anogir myfyrwyr i ddefnyddio ein cysylltiadau gyda Chynghrair Meddalwedd Cymru a Go Wales i weithio ar gynlluniau masnachol ar gyfer eu modwl Prosiect Mawr. Mae Go Wales yn darparu’r cyfle i fynd ar leoliadau gwaith â chyflog gyda busnesau lleol.
-
Mae rhai modylau ar y cwrs hwn ar gael i’w hastudio trwy gyfrwng y Gymraeg yn llawn neu’n rhannol. Ym mhob achos bydd myfyrwyr yn gallu cyflwyno asesiadau ysgrifenedig trwy gyfrwng y Gymraeg.
Os byddwch chi’n dewis astudio eich cwrs yn llawn neu’n rhannol drwy gyfrwng y Gymraeg, efallai y byddwch yn gymwys i wneud cais am ysgoloriaethau a bwrsariaethau i’ch cefnogi gyda’ch astudiaethau.
Rydym yn adolygu ein darpariaeth cyfrwng Cymraeg yn gyson a bydd union argaeledd modylau yn amodol ar argaeledd a diddordebau ymchwil staff, pynciau astudio newydd, amserlennu a’r galw gan fyfyrwyr. Os yw eich cwrs yn cynnig modylau trwy gyfrwng y Gymraeg gall y math o fodwl amrywio o flwyddyn i flwyddyn ac fe fydd yn amodol ar gyrraedd isafswm nifer myfyrwyr. Golyga hyn na ellir gwarantu argaeledd modylau cyfrwng Cymraeg penodol.
Cyfleoedd Cymraeg Allgyrsiol
Mae nifer o ffyrdd i ymgysylltu â’r diwylliant a bywyd Cymreig yn PCYDDS, gan gynnwys ymuno â chlybiau a chymdeithasau ar gyfer siaradwyr Cymraeg ac ymuno â Changen fywiog y Coleg Cymraeg Cenedlaethol.
Cyfleoedd i Ddysgu Cymraeg
Rydym hefyd yn darparu amrywiaeth o gyfleoedd i ddysgu ac i ddatblygu eich sgiliau Cymraeg.
-
Mae’n bosibl cwblhau’r rhaglen astudio hon heb unrhyw gostau ychwanegol.
Efallai yr hoffai myfyrwyr brynu deunyddiau ar gyfer modylau, megis prif brosiect ond nid yw hyn yn ofynnol ac ni chaiff effaith ar y radd derfynol.
Lleoliad
Bydd ffi ychwanegol o £1800 ar gyfer myfyrwyr sy’n dewis astudio’r rhaglen gyda’r lleoliad blwyddyn mewn diwydiant dewisol.
-
Efallai eich bod yn gymwys i gael arian i helpu i gefnogi eich astudiaethau. I ddysgu am ysgoloriaethau, bwrsarïau a chyfleoedd ariannu eraill sydd ar gael, ewch i’n hadran Bwrsarïau ac Ysgoloriaethau.
-
Mae gan ein graddedigion ragolygon gwaith rhagorol yn y diwydiant cyfrifiadura, addysgu, darlithio a TGCh, yn ogystal â meysydd eraill o’r economi. Dengys ystadegau diweddar bod y mwyafrif helaeth yn dilyn eu dewis lwybrau gyrfaol o fewn chwe mis i raddio.
Byddai graddedigion yn chwilio am swyddi fel: Rhaglennydd Ffiseg, Peiriannydd Meddalwedd, Datblygwr Meddalwedd, Profwr Meddalwedd a Rheolwr Adeiladu TG.