ÃÜÌÒ´«Ã½

Skip page header and navigation

Gareth Collett CBE, BSc (Anrh), MSc, PhD, CEng, MCGI, FIExpE

Image and intro

Silwét pen ac ysgwyddau dyn

Cyfarwyddwr Gweithredol ac Uwch Ddarlithydd

Cyfadran Dylunio Cymhwysol a Pheirianneg

E-bost: g.collett@uwtsd.ac.uk

Rôl yn y Brifysgol

Cyfarwyddwr Gweithredol ar gyfer rhaglenni a phrosiectau arbenigol. 

Cefndir

Mae Gareth Collett yn Frigadydd a Diplomydd wedi ymddeol o Fyddin Prydain, a arbenigai mewn difa bomiau ym maes gwrthderfysgaeth. Mae ganddo Ddoethuriaeth mewn Amddiffyn a Diogelwch, gan arbenigo mewn ffrwydron cartref, rhagsylweddion cemegol ffrwydrol, ac effeithiau gwenwynig ffrwydron ar y corff dynol. Mae’n siarad Arabeg yn rhugl ar ôl cyflawni nifer o  rolau diplomyddol yn y Dwyrain Canol, yn Beiriannydd Siartredig gyda’r Cyngor Peirianneg, ac yn Gymrawd Sefydliad y Peirianwyr Ffrwydron.

Fe’i penodwyd yn CBE yn 2013 yn bennaeth y proffesiwn difa bomiau yn y DU ac yn brif anogwr diogelu gweithrediadau gwaredu ordnans ffrwydrol (EOD) rhyngwladol ledled y byd. Roedd hwn yn gyfnod arbennig o heriol gan fod ei ddyletswyddau’n cwmpasu blynyddoedd prysuraf lleoli milwyr Prydain yn Afghanistan a pharatoi protocolau diogelwch ar gyfer Gemau Olympaidd 2012.

Mae Gareth yn arbenigwr blaenllaw ar atal dyfeisiau ffrwydrol byrfyfyr (C-IED), lliniaru ffrwydradau, a gwaith fforensig yn dilyn ffrwydradau, ac yntau yn ddiweddar wedi cwblhau adroddiadau technegol ffurfiol ar Theatr Mariupol, trychineb Porthladd Beirut, ac adfer yn ddiogel 1.1 miliwn o gasgenni o olew crai o’r tancer storio a dadlwytho tanwydd ‘Safer’ a ddifrodwyd yn Yemen. Gwnaeth ei gynllun lliniaru ffrwydrad atal ffrwydrad tanwydd-aer rhag digwydd yn ystod gweithrediadau trosglwyddo  SMIT Boskalis ac osgoi trychineb amgylcheddol yn y Môr Coch a Gwlff Aden. Ef hefyd oedd cychwynnwr y ‘datrysiad cyfunol’ yn Irac, menter glirio a ddaeth â’r gymuned clirio ffrwydron fyd-eang at ei gilydd a hwyluso dychwelyd yn urddasol dros dair miliwn o bobl oedd wedi’u dadleoli ar ôl rhyddhau’r wlad rhag Daesh. 
   
Yn academaidd, mae Gareth yn canolbwyntio ar gyhoeddiadau sy’n ymwneud â ffrwydron cartref (HME), rhagsylweddion cemegol ffrwydrol, y risg y gall ffrwydron achosi canser y llwybr wrinol, y gwaith dyngarol o glirio ffrwydron, gweithredu fforensig dyngarol a gwaith fforensig yn dilyn ffrwydradau. Mae wedi ysgrifennu tri llyfr yn ymwneud ag arfer gorau difa dyfeisiau ffrwydrol byrfyfyr (IED), y peryglon sy’n gysylltiedig â HME yn y gwaith dyngarol o glirio ffrwydron, ac Addysg Risg Ordnans Ffrwydrol i blant ac oedolion agored i niwed.

Yn ei amser hamdden, mae Gareth yn Aelod Bwrdd dwy Elusen Ryngwladol sy’n ymwneud â Chymorth i Ddioddefwyr, yn gynghorydd i Action on Armed Violence (AOAV), yn uwch aelod o Grŵp Sefydlogi Sifil y DU ac yn uwch Gynghorydd Technegol i’r Cenhedloedd Unedig.

Diddordebau Academaidd

Mae ei feysydd addysgu’n canolbwyntio ar amgylchoedd risg uchel, ordnans ffrwydrol a ffactorau dynol. Mae’n cyflwyno’r modylau canlynol yn benodol: Egwyddorion Ordnans, Arfau Rhyfel a Ffrwydron (OME); Egwyddorion Gwyddonol OME; Awduro Technegol; Diogelwch Niwclear; a Ffactorau Dynol mewn Amgylcheddau Peryglus Iawn.

Mae wrthi’n astudio ar gyfer PhD mewn rheoleiddio rhagsylweddion cemegol ffrwydrol ar hyn o bryd, sydd wedi’i gymryd gan y Cenhedloedd Unedig fel menter liniaru fyd-eang.

Meysydd Ymchwil

N/A

Arbenigedd

  • Ymgynghorydd preifat yn ymwneud â throseddau rhyfel
  • Gwaith dyngarol difa ffrwydron
  • Gwaith fforensig dyngarol
  • Risgiau a rheoli risg
  • Ffactorau dynol
  • Ffrwydradau a lliniaru ffrwydradau
  • Peirianneg ordnans ffrwydrol