Marchnad Nadolig y dref a'r brifysgol yn codi £1000 ar gyfer achosion da lleol
Mae Marchnad Nadolig flynyddol y dref a’r brifysgol, a gynhaliwyd ym Mhrifysgol Cymru Y Drindod Dewi Sant ar gampws Llambed, wedi codi swm ardderchog o £1,000.
Cafodd yr arian a godwyd ei rannu rhwng Pwyllgor Henoed Llambed, Cylch Meithrin Carreg Hirfaen a Chylch Meithrin Pont Pedr.
Roedd y digwyddiad yn cynnwys stondinau yn cynnig anrhegion a chrefftau unigryw, yn ogystal â pherfformiadau swynol gan Gôr Cwmann a phlant ysgolion cynradd lleol. Cefnogwyd y digwyddiad gan Gyngor Tref Llanbedr Pont Steffan, Siambr Fasnach Llanbedr Pont Steffan, a grŵp ymroddedig o staff y brifysgol.
Dywedodd un o’r trefnwyr, Elin Lloyd Williams:
“Hoffwn ddiolch i bawb a gefnogodd y digwyddiad a hynny er gwaethaf y tywydd garw. Rydym yn hynod falch i weld bod tri achos da sy’n cyfrannu cymaint yn lleol yn mynd i elwa o’r arian a godwyd ar y diwrnod. ”
Gwybodaeth Bellach
Arwel Lloyd
Prif Swyddog Cyfathrebu a Chysylltiadau Cyhoeddus
Cyfathrebu Corfforaethol a Chysylltiadau Cyhoeddus
E-bost: arwel.lloyd@pcydds.ac.uk
ô:&Բ;07384&Բ;467076