Cyfleusterau Chwaraeon a Gweithgarwch Corfforol
Cyfleusterau
Cyfleusterau
Mae gan gampws Caerfyrddin ystod wych o gyfleusterau chwaraeon, iechyd ac ymarfer corff. Os ydych chi’n athletwr cystadleuol neu’n frwd dros ffitrwydd, mae ein campws ni’n cynnig ystod gynhwysfawr o amwynderau, gan gynnwys campfeydd modern, pwll nofio, canolfannau hyfforddi o’r radd flaenaf, a chaeau chwarae dilychwin. Dewch i ddarganfod yr amgylchedd perffaith i wthio’ch terfynau a chyrraedd eich brig personol!
Cyfleusterau
Mae ein cyfleusterau’n cynnwys
Mae gan gampws Caerfyrddin gyfleusterau chwaraeon eithriadol, gan gynnwys Campfa Cryfhau a Chyflyru, Cae Hyfforddi 3G, a Stiwdio Symudiad Dynol. Mae’n cynnwys Labordy Perfformio Dynol, Ystafelloedd Therapi Chwaraeon ac Ymarfer Corff, a phwll nofio. Yn ogystal â hyn oll, mae gan y campws gampfa awyr agored, neuadd chwaraeon hyblyg, wal ddringo dan do, ystafell iechyd a ffitrwydd, caeau chwarae helaeth, a chanolfan iechyd ac antur awyr agored Cynefin.
Cryfder a Chyflyru
Mae gan PCYDDS gyfleusterau cryfder a chyflyru arbennig sydd wedi’u cynllunio ar gyfer cefnogi defnyddwyr o bob math, boed yn athletwyr elît neu’n chwaraewyr hamdden. Yn ein campfa ceir yr holl gyfarpar hyfforddi gwrthiant diweddaraf, pwysau rhydd, a pheiriannau cryfder arbenigol, er mwyn sicrhau profiad ymarfer cynhwysfawr. Mae yno hefyd le pwrpasol i wneud ymarferion swyddogaethol, gyda raciau sgwat, llwyfannau codi, ac offer plyometrig, sy’n galluogi sesiynau hyfforddi cryfder hyblyg ac effeithiol. Bydd ein staff proffesiynol yn cynnig cymorth a rhaglenni hyfforddi wedi’u teilwra mewn amgylchedd sy’n annog myfyrwyr y gyrraedd y brig, o ran eu gallu corfforol a’u llesiant cyffredinol.
Cae Ymarfer 3G
Mae cae 3G o’r radd flaenaf i’w gael ger y gampfa cryfder a chyflyru ar gampws Caerfyrddin, sy’n gyfleuster ymarfer heb ei ail i’n myfyrwyr. Mae’r cae pob tywydd ardderchog hwn yn berffaith ar gyfer pêl-droed, rygbi a chwaraeon eraill, a bydd yn sicrhau eich bod ar eich gorau ac yn ddiogel trwy gydol y flwyddyn. Gan ei fod mewn lle cyfleus wrth ymyl ein campfa, does dim i rwystro myfyrwyr rhag cyfuno eu hyfforddiant ar y cae gyda’u sesiynau cryfder a chyflyru. Mae cae 3G campws Caerfyrddin wedi’i greu er mwyn bodloni holl anghenion amrywiol ein cymuned o athletwyr, boed hynny’n gêm fach anffurfiol neu’n sesiynau hyfforddi trylwyr.
Neuadd Chwaraeon
Swimming Pool
Stiwdio Symudiad Dynol
Labordy Perfformiad Dynol
Sport and Exercise Therapy Suites
Immersive Room
Awyr Agored yn Cynefin
Mae myfyrwyr antur awyr agored yn gwneud amrywiaeth o weithgareddau cyffrous yn ein cyfleuster addysg a hyfforddiant awyr agored pwrpasol, gan gynnwys: dringo clogwyni naturiol; caiacio a chanŵio ar lynnoedd tawel ac ar afonydd heriol; a rhoi eu sgiliau a’u dygnwch corfforol ar brawf trwy feicio mynydd ar lwybrau garw. Hefyd, byddan nhw’n gwneud ymarferion cyfeiriannu a llywio, gan hogi eu sgiliau a’u gallu i groesi amrywiaeth o wahanol dirweddau’n ddiogel. Mae’r rhaglen antur awyr agored yn Cynefin yn canolbwyntio ar sgiliau ymarferol yn ogystal â stiwardiaeth amgylcheddol, gan gynnig profiadau dysgu cynhwysfawr ac ymarferol yn yr awyr agored.
Cyfleusterau Awyr Agored
Offer Awyr Agored
Man Llesiant
Academy of Sport
Academi Chwaraeon
Cynefin
Canolfan Chwaraeon Caerfyrddin
Campus Life
Bywyd ar gampws Caerfyrddin
Archwiliwch yr ystod ardderchog o gyfleusterau sydd ar gampws Caerfyrddin, ac yn cynnig profiad buddiol cyffredinol i fyfyrwyr. Mae’r campws yn cynnwys adnoddau dysgu o’r radd flaenaf, mannau ar gyfer celfyddydau creadigol, stiwdios ac ystafelloedd ymarfer, a mannau addysgu arloesol. Mae’r llyfrgell yn llawn dop o gasgliadau digidol a chorfforol. Gall myfyrwyr gymryd rhan mewn gweithgareddau allgyrsiol yn y ganolfan chwaraeon, sy’n cynnwys campfa, dosbarthiadau ffitrwydd a chaeau chwaraeon. Yn ogystal, mae gan y campws ddigonedd o fannau cymdeithasol, caffis a hwb undeb y myfyrwyr, gan greu awyrgylch cymuned bywiog sy’n berffaith ar gyfer twf academaidd a phersonol.
