Doethuriaeth mewn Addysg (Rhan amser) (EdD)
Mae’r Doethuriaeth mewn Addysg (EdD) yn radd ymchwil broffesiynol a gynlluniwyd ar gyfer gweithwyr proffesiynol addysg profiadol sydd am ddyfnhau eu dealltwriaeth o theori, polisi ac ymarfer addysgol. Mae’n cynnig llwybr academaidd trwyadl i’r rhai sy’n gweithio mewn ysgolion, colegau, prifysgolion, awdurdodau lleol, sefydliadau’r trydydd sector a darparwyr hyfforddiant sy’n ceisio cryfhau eu sgiliau ymchwil a’u cymhwyso’n uniongyrchol i’w cyd-destun proffesiynol.
Mae’r rhaglen hon ar gyfer y rhai sydd â diddordeb mewn archwilio’r heriau byd go iawn sy’n wynebu addysgwyr heddiw. Trwy gyfuniad o sesiynau a addysgir ac ymchwil annibynnol, byddwch yn ymgysylltu’n feirniadol â dadleuon cyfredol, cwestiynu arfer sefydledig a datblygu dulliau newydd a all wneud gwahaniaeth diriaethol yn eich maes. P’un a yw eich cefndir mewn addysgu, arweinyddiaeth addysgol, gwasanaethau cymorth, neu ddatblygu polisi, mae’r EdD yn eich galluogi i fyfyrio’n ddwfn ar eich ymarfer a chyfrannu at newid ystyrlon.
Mae’r llwybr rhan-amser yn cael ei gyflwyno mewn dwy ran. Mae’r cyntaf yn cynnwys elfen addysgedig sy’n adeiladu eich gallu mewn ysgrifennu academaidd, dylunio ymchwil a meddwl beirniadol. Mae’r sesiynau wyneb yn wyneb hyn yn cael eu cynnal ar y campws ac maent yn hanfodol ar gyfer datblygu sylfaen academaidd a rennir. Mae’r ail ran yn draethawd ymchwil 60,000 o eiriau, lle byddwch chi’n cynnal prosiect ymchwil gwreiddiol sy’n gysylltiedig â’ch rôl broffesiynol. Gellir cwblhau’r cam hwn trwy ddysgu o bell os oes angen, gan gynnig hyblygrwydd i weithwyr proffesiynol prysur. Yn ogystal â hyn, mae fersiwn llawn amser o’r cwrs hefyd ar gael.
Trwy gydol y rhaglen, byddwch yn cael eich cefnogi gan dîm academaidd profiadol ac uchel ei barch, gyda goruchwyliaeth wedi’i deilwra i’ch diddordebau ymchwil. Mae’r EdD wedi’i gynllunio nid yn unig i ymestyn eich gwybodaeth ond i’ch helpu i lunio dyfodol addysg - trwy ymarfer sy’n seiliedig ar dystiolaeth, arweinyddiaeth ac ymgysylltu ysgolheigaidd.
Mae dewis yr EdD yn ymrwymiad i ddod yn weithiwr proffesiynol sy’n gweithgar i ymchwil, yn barod i ddylanwadu ar newid a gwella canlyniadau ar draws y sector addysg.
Manylion y cwrs
- Cyfunol (ar y campws)
- Rhan amser
- Saesneg
- Cymraeg
Pam dewis y cwrs hwn
Beth fyddwch chi'n ei ddysgu
Byddwch yn archwilio syniadau allweddol mewn theori, polisi ac ymarfer addysgol wrth adeiladu sgiliau ymchwil a dadansoddi uwch. Mae’r rhaglen yn eich helpu i ddylunio a chynnal prosiect ymchwil mawr sy’n canolbwyntio ar eich cyd-destun proffesiynol. Trwy sesiynau a addysgir a thesis ymchwil, byddwch yn ennill hyder fel ymarferydd myfyriol, meddyliwr beirniadol ac arweinydd dan arweiniad tystiolaeth.
(30 credydau)
(30 credydau)
(60 credydau)
(30 credydau)
(30 credydau)
(360 credydau)
Ymwrthodiad
-
Mae’r modylau a amlinellir uchod yn enghreifftiau o’r hyn y gallwch ddisgwyl ei ddysgu ar y cwrs hwn yn seiliedig ar addysgu academaidd diweddar. Rydym yn adolygu ein cyrsiau yn barhaus i sicrhau bod yr ansawdd yn cael ei wella ac er mwyn rheoli ein hadnoddau. Gall yr union fodylau sydd ar gael i chi yn y dyfodol amrywio yn amodol ar argaeledd a diddordebau ymchwil staff, pynciau astudio newydd, amserlennu a galw myfyrwyr. Os yw eich cwrs yn cynnwys modylau dewisol, diben rhain yw darparu elfen o ddewis o fewn y cwrs. Gall argaeledd modylau dewisol amrywio o flwyddyn i flwyddyn a byddant yn amodol ar gyflawni isafswm niferoedd myfyrwyr. Golyga hyn na ellir gwarantu argaeledd modylau dewisol penodol.
Fel arfer, byddwch yn cwblhau 120 credyd y flwyddyn astudio ar gwrs llawn amser. I gael rhagor o wybodaeth ewch i’n Cytundeb Myfyrwyr.
tysteb
Staff
Staff
Cewch chi eich dysgu a’ch cefnogi gan ystod eang o staff a thimau proffesiynol yma i’ch helpu i gael y profiad prifysgol rydych chi’n chwilio amdano. Roedd ein staff addysgu yn 2il yng Nghymru am Addysgu, Asesu ac Adborth a Chymorth Academaidd (ACF 2024) sy’n golygu y bydd y cymorth a’r adborth a gewch chi yn eich helpu chi i ddysgu a datblygu sgiliau academaidd cryf. Mae ein myfyrwyr wedi ein rhoi ni yn 1af yng Nghymru am Gyfleoedd Dysgu a Llais Myfyrwyr (ACF 2024) sy’n golygu bod ystod eang o gyfleoedd ar gael i wella eich astudiaethau a bod myfyrwyr yn chwarae rhan weithredol wrth lunio eu profiadau dysgu. Mae ein hymrwymiad i’ch dysgu chi wedi golygu bod ein myfyrwyr yn ein rhoi ni yn 1af yng Nghymru ac yn gydradd 3ydd yn y DU am foddhad myfyrwyr (Times Higher Education, 2024, mesur ‘Positifrwydd Cyffredinol’). Dysgwch ragor am ein staff academaidd sy’n addysgu ar draws ein cyrsiau.
Gwybodaeth allweddol
-
Yn ddelfrydol, byddwch yn gweithio mewn lleoliad addysgol neu leoliad sy’n gysylltiedig ag addysg ac eisoes yn meddu ar radd Meistr; fodd bynnag, anogir ymgeiswyr a chanddynt beth profiad o astudio ar Lefel 7 a phrofiad sylweddol o arweinyddiaeth i wneud cais.
Cyngor a Chymorth Derbyn 
I gael cyngor a chymorth penodol, gallwch gysylltu â’n tîm ymholiadau i gael rhagor o wybodaeth am ofynion mynediad.
Gofynion Iaith Saesneg 
Os nad Saesneg yw eich iaith gyntaf, neu os nad ydych wedi astudio drwy gyfrwng y Saesneg o’r blaen, mae ein gofyniad arferol yn gyfwerth â sgôr o 6.0 y System Brofi Iaith Saesneg Rhyngwladol (Prawf Academaidd IELTS), heb gael llai na 5.5 ym mhob un o’r is-brofion. Rydym hefyd yn derbyn profion iaith Saesneg ±ð°ù²¹¾±±ô±ô. &²Ô²ú²õ±è;
Ewch i ymweld ag adran Ceisiadau Rhyngwladol ein gwefan i ddysgu rhagor am ein Gofynion Iaith Saesneg a Chyrsiau Iaith Saesneg ymlaen llaw.
Gofynion fisa ac ariannu
Os nad ydych o’r DU ac nid oes gennych breswyliad yma yn barod, efallai bydd angen i chi wneud cais am fisa. &²Ô²ú²õ±è;
Ar gyfer cyrsiau sy’n fwy na chwe mis, bydd angen fisa myfyrwyr arnoch chi. &²Ô²ú²õ±è;
Dylai myfyrwyr rhyngwladol sydd angen fisa Myfyriwr wneud cais am ein cyrsiau llawn amser gan eu bod yn gymwys ar gyfer nawdd fisa Myfyriwr.  
I gael yr holl wybodaeth, darllenwch y dudalen gwneud cais am fisa a chanllawiau. â¶Ä¯â¶Ä¯&²Ô²ú²õ±è;
Sylwch mai dim ond ar gyfer rhaglenni wyneb yn wyneb, ar gampws, heb elfennau astudio ar-lein y gall myfyrwyr sy’n derbyn Cymorth Ffederal yr Unol Daleithiau wneud cais. &²Ô²ú²õ±è;
-
Mae ystod o brosesau asesu’n berthnasol i’r modylau a addysgir gan gynnwys cyflwyniadau, blogiau, aseiniadau seiliedig ar fideo a rhai ysgrifenedig.
Caiff Rhan 2 ei hasesu ar ffurf prosiect ymchwil seiliedig ar waith 60,000 o eiriau ac arholiad viva voce.
-
Cyfleoedd Cymraeg Allgyrsiol
 Yn ogystal, mae llawer o ffyrdd i ymgysylltu â’r diwylliant a bywyd Cymreig yn PCYDDS, gan gynnwys ymuno â chlybiau a chymdeithasau ar gyfer siaradwyr Cymraeg ac ymuno â Changen fywiog y Coleg Cymraeg Cenedlaethol. &²Ô²ú²õ±è;
Cyfleoedd i Ddysgu Cymraeg
Rydym hefyd yn darparu amrywiaeth o gyfleoedd i ddysgu ac i ddatblygu eich sgiliau Cymraeg. &²Ô²ú²õ±è;
-
Efallai eich bod yn gymwys i gael arian i helpu i gefnogi eich astudiaethau. I ddysgu am ysgoloriaethau, bwrsarïau a chyfleoedd ariannu eraill sydd ar gael, ewch i’n hadran Bwrsarïau ac Ysgoloriaethau.
-
Mae’r rhaglen wedi’i hanelu, yn bennaf, at y rheiny sydd eisoes mewn gwaith. Fodd bynnag, fe fydd yn cyfoethogi a hyrwyddo cynnydd pellach yng ngyrfaoedd a chyfleoedd gyrfa myfyrwyr. Bydd y sgiliau dadansoddi a throsglwyddadwy cryf sy’n rhan annatod o’r rhaglen yn werthfawr i ystod o lwybrau gyrfa a meysydd galwedigaethol o fewn y cyd-destun addysgol eang.
Gyda ffocws penodol ar ddatblygu sgiliau ymchwil, dadansoddi a gwerthuso o radd uwch, bydd yr Ed D yn rhoi i’w fyfyrwyr set gadarn o sgiliau meddwl yn feirniadol, dadansoddi a datrys problemau. Awgryma’r safonau proffesiynol newydd ar gyfer y sector addysg fod galw cynyddol am y sgiliau hyn ar draws y maes cyflogaeth hwn.