Peirianneg Chwaraeon Moduro (Llawn amser) (MSc)
Ers lansio gradd Peirianneg Chwaraeon Moduro cyntaf y DU ym 1998, mae Prifysgol Cymru Y Drindod Dewi Sant (PCYDDS), Abertawe, wedi adeiladu enw cryf yn y diwydiant chwaraeon moduro. Mae’r rhaglen ôl-raddedig hon, yr MSc Peirianneg Chwaraeon Moduro, wedi’i chynllunio i roi i fyfyrwyr y sgiliau arbenigol sydd eu hangen i ffynnu ym myd cystadleuol chwaraeon moduro.
Mae’r cwrs meistr hwn yn cyfuno ystod o elfennau damcaniaethol ac ymarferol, gan roi gwybodaeth fanwl a phrofiad ymarferol hanfodol i fyfyrwyr. Bydd myfyrwyr yn datblygu arbenigedd mewn dylunio, peirianneg ac optimeiddio cerbydau cystadlu, gan ennill y sgiliau sydd eu hangen i greu, gwella a dadansoddi cerbydau perfformiad uchel. Mae PCYDDS Abertawe wedi ymrwymo i gynnig dealltwriaeth gynhwysfawr i fyfyrwyr o’r sector chwaraeon moduro, gan gwmpasu popeth o ddylunio ac adeiladu i brofi a mireinio, a pharatoi graddedigion i fod yn beirianwyr hyderus, medrus yn y maes.
Un o brif gryfderau’r cwrs hwn yw ei ffocws ar brosiectau sy’n benodol i faes chwaraeon moduro ac aseiniadau chwaraeon moduro, gan ganiatáu i fyfyrwyr ymgolli mewn dysgu seiliedig ar brosiect. Mae’r prosiectau hyn yn efelychu sefyllfaoedd go iawn yn y diwydiant, gan roi cyfle i fyfyrwyr fynd i’r afael â heriau technegol a chynhyrchu datrysiadau arloesol. Yn ogystal, bydd myfyrwyr yn archwilio amrywiaeth eang o bynciau modurol, gan roi dealltwriaeth ehangach iddynt o’r maes. Trwy feithrin y sgiliau ymarferol hyn a dyfnhau eu gwybodaeth am arferion y diwydiant, bydd graddedigion wedi’u paratoi’n dda i lwyddo yn yr amgylchedd chwaraeon moduro sy’n symud yn gyflym.
Nodwedd nodedig arall o’r rhaglen MSc yw’r hyblygrwydd i astudio mewn ffordd sydd wedi’i deilwra. Anogir pob myfyriwr i lunio eu taith ddysgu eu hunain i gyd-fynd â’u dyheadau gyrfaol o fewn mae chwaraeon moduro. Gyda chefnogaeth tiwtoriaid profiadol a modylau sy’n ffocysu ar y diwydiant, gall myfyrwyr ganolbwyntio ar y meysydd sydd fwyaf perthnasol i’w nodau nhw, megis aerodynameg, cerbydau trydan, dadansoddi data, neu ddiogelwch cerbydau. Mae’r hyblygrwydd hwn yn caniatáu i bob myfyriwr ddatblygu set sgiliau arbenigol, penodol ac ennill mantais unigryw yn y farchnad swyddi.
At ei gilydd, mae’r MSc Peirianneg Chwaraeon Moduro yn PCYDDS Abertawe yn cynnig cymysgedd delfrydol o wybodaeth dechnegol, profiad ymarferol, a pherthnasedd i’r diwydiant. I’r rhai sy’n dymuno ymuno â’r diwydiant hwn sy’n symud yn gyflym gyda sgiliau cryf a mewnwelediadau ymarferol, mae’r rhaglen hon yn cynnig llwybr rhagorol at yrfa foddhaus. P’un a ydych chi’n canolbwyntio ar ddylunio cerbydau cystadlu, peirianneg ac optimeiddio, neu agwedd benodol ar y maes, mae MSc Peirianneg Chwaraeon Moduro PCYDDS Abertawe wedi’i gynllunio i roi mantais gystadleuol i chi wrth gyflawni eich uchelgeisiau proffesiynol.
Manylion y cwrs
- Ar y campws
- Llawn amser
- Saesneg
Pam dewis y cwrs hwn
Beth fyddwch chi'n ei ddysgu
Mae’r MSc Peirianneg Chwaraeon Moduro yn PCYDDS wedi’i adeiladu ar ein hathroniaeth o gyfuno profiad yn y byd go iawn â gwybodaeth ddamcaniaethol fanwl. Mae’r cwrs hwn wedi’i strwythuro i ddyfnhau eich dealltwriaeth o beirianneg chwaraeon moduro trwy gyfuno dysgu cymhwysol ag astudiaethau academaidd, gan roi i chi’r sgiliau i ragori yn y diwydiannau chwaraeon moduro a modurol.
Yn y rhaglen flwyddyn hon, byddwch yn archwilio amrywiaeth o feysydd allweddol, o Aerodynameg Cerbydau Tir a Pheirianneg ac Efelychu Rasys i Storio Ynni a Systemau Rheoli a Rheolaeth y Sector Modurol. Gyda phrosiectau ymarferol a phrosiect Meistr seiliedig ar ymchwil, bydd y cwrs hwn yn rhoi arbenigedd arbenigol i chi ym maes peirianneg chwaraeon moduro, gan eich paratoi ar gyfer gyrfa lwyddiannus mewn maes technegol sy’n symud yn gyflym.
(10 credydau)
(20 credydau)
(10 credydau)
(20 credydau)
(10 credydau)
(10 credydau)
(10 credydau)
(10 credydau)
(10 credydau)
(10 credydau)
(60 credydau)
Ymwrthodiad
-
Mae’r modylau a amlinellir uchod yn enghreifftiau o’r hyn y gallwch ddisgwyl ei ddysgu ar y cwrs hwn yn seiliedig ar addysgu academaidd diweddar. Rydym yn adolygu ein cyrsiau yn barhaus i sicrhau bod yr ansawdd yn cael ei wella ac er mwyn rheoli ein hadnoddau. Gall yr union fodylau sydd ar gael i chi yn y dyfodol amrywio yn amodol ar argaeledd a diddordebau ymchwil staff, pynciau astudio newydd, amserlennu a galw myfyrwyr. Os yw eich cwrs yn cynnwys modylau dewisol, diben rhain yw darparu elfen o ddewis o fewn y cwrs. Gall argaeledd modylau dewisol amrywio o flwyddyn i flwyddyn a byddant yn amodol ar gyflawni isafswm niferoedd myfyrwyr. Golyga hyn na ellir gwarantu argaeledd modylau dewisol penodol.
Fel arfer, byddwch yn cwblhau 120 credyd y flwyddyn astudio ar gwrs llawn amser. I gael rhagor o wybodaeth ewch i’n Cytundeb Myfyrwyr.
tysteb
Staff
Staff
Cewch chi eich dysgu a’ch cefnogi gan ystod eang o staff a thimau proffesiynol yma i’ch helpu i gael y profiad prifysgol rydych chi’n chwilio amdano. Roedd ein staff addysgu yn 2il yng Nghymru am Addysgu, Asesu ac Adborth a Chymorth Academaidd (ACF 2024) sy’n golygu y bydd y cymorth a’r adborth a gewch chi yn eich helpu chi i ddysgu a datblygu sgiliau academaidd cryf. Mae ein myfyrwyr wedi ein rhoi ni yn 1af yng Nghymru am Gyfleoedd Dysgu a Llais Myfyrwyr (ACF 2024) sy’n golygu bod ystod eang o gyfleoedd ar gael i wella eich astudiaethau a bod myfyrwyr yn chwarae rhan weithredol wrth lunio eu profiadau dysgu. Mae ein hymrwymiad i’ch dysgu chi wedi golygu bod ein myfyrwyr yn ein rhoi ni yn 1af yng Nghymru ac yn gydradd 3ydd yn y DU am foddhad myfyrwyr (Times Higher Education, 2024, mesur ‘Positifrwydd Cyffredinol’). Dysgwch ragor am ein staff academaidd sy’n addysgu ar draws ein cyrsiau.
Gwybodaeth allweddol
-
Gradd anrhydedd 2:2 
-
neu gyfwerth a gydnabyddir gan PCYDDS.
Llwybrau mynediad amgen 
-
Tystysgrif Ôl-raddedig mewn Addysg Uwch (Tyst. Ôl-radd). Dyma ran gyntaf y radd Meistr lawn.
Unwaith y byddwch wedi cwblhau eich astudiaethau Tyst. Ôl-radd yn llwyddiannus, byddwch yn gymwys i symud ymlaen i weddill y radd Meistr. &²Ô²ú²õ±è;
Mae’r rhain yn llwybrau delfrydol os ydych yn dychwelyd i astudio ar ôl seibiant, os nad ydych wedi astudio’r pwnc hwn o’r blaen, neu os na wnaethoch gyflawni’n raddau roeddech eu hangen i gael lle ar y radd hon. &²Ô²ú²õ±è;
Cyngor a Chymorth Derbyn 
I gael cyngor a chymorth penodol, gallwch gysylltu â’n tîm ymholiadau i gael rhagor o wybodaeth am ofynion mynediad.
Gofynion Iaith Saesneg 
Os nad Saesneg yw eich iaith gyntaf, neu os nad ydych wedi astudio drwy gyfrwng y Saesneg o’r blaen, mae ein gofyniad arferol yn gyfwerth â sgôr o 6.0 y System Brofi Iaith Saesneg Rhyngwladol (Prawf Academaidd IELTS), heb gael llai na 5.5 ym mhob un o’r is-brofion. Rydym hefyd yn derbyn profion iaith Saesneg ±ð°ù²¹¾±±ô±ô. &²Ô²ú²õ±è;
Ewch i ymweld ag adran Ceisiadau Rhyngwladol ein gwefan i ddysgu rhagor am ein Gofynion Iaith Saesneg a Chyrsiau Iaith Saesneg ymlaen llaw.
Gofynion fisa ac ariannu
Os nad ydych o’r DU ac nid oes gennych breswyliad yma yn barod, efallai bydd angen i chi wneud cais am fisa. &²Ô²ú²õ±è;
Ar gyfer cyrsiau sy’n fwy na chwe mis, bydd angen fisa myfyrwyr arnoch chi. &²Ô²ú²õ±è;
Dylai myfyrwyr rhyngwladol sydd angen fisa Myfyriwr wneud cais am ein cyrsiau llawn amser gan eu bod yn gymwys ar gyfer nawdd fisa Myfyriwr.  
I gael yr holl wybodaeth, darllenwch y dudalen gwneud cais am fisa a chanllawiau. â¶Ä¯â¶Ä¯&²Ô²ú²õ±è;
Sylwch mai dim ond ar gyfer rhaglenni wyneb yn wyneb, ar gampws, heb elfennau astudio ar-lein y gall myfyrwyr sy’n derbyn Cymorth Ffederal yr Unol Daleithiau wneud cais. 
-
-
Rydym yn defnyddio sawl fformat er mwyn asesu, gan gynnwys arholiadau a gwaith cwrs mwy arferol yn ogystal â dulliau asesu eraill sy’n fwy ‘diwydiannol’, megis gwaith maes ymyl y trac, tasgau gweithdy, asesiadau sy’n defnyddio meddalwedd cyfrifiadurol, ac arholiadau llafar a seminarau grŵp.
-
Mae rhai modylau ar y cwrs hwn ar gael i’w hastudio trwy gyfrwng y Gymraeg yn llawn neu’n rhannol. Ym mhob achos bydd myfyrwyr yn gallu cyflwyno asesiadau ysgrifenedig trwy gyfrwng y Gymraeg.
Os byddwch chi’n dewis astudio eich cwrs yn llawn neu’n rhannol drwy gyfrwng y Gymraeg, efallai y byddwch yn gymwys i wneud cais am ysgoloriaethau a bwrsariaethau i’ch cefnogi gyda’ch astudiaethau.
Rydym yn adolygu ein darpariaeth cyfrwng Cymraeg yn gyson a bydd union argaeledd modylau yn amodol ar argaeledd a diddordebau ymchwil staff, pynciau astudio newydd, amserlennu a’r galw gan fyfyrwyr. Os yw eich cwrs yn cynnig modylau trwy gyfrwng y Gymraeg gall y math o fodwl amrywio o flwyddyn i flwyddyn ac fe fydd yn amodol ar gyrraedd isafswm nifer myfyrwyr. Golyga hyn na ellir gwarantu argaeledd modylau cyfrwng Cymraeg penodol.
Cyfleoedd Cymraeg Allgyrsiol
Yn ogystal, mae nifer o ffyrdd i ymgysylltu â’r diwylliant a bywyd Cymreig yn PCYDDS, gan gynnwys ymuno â chlybiau a chymdeithasau ar gyfer siaradwyr Cymraeg ac ymuno â Changen fywiog y Coleg Cymraeg Cenedlaethol. &²Ô²ú²õ±è;
Cyfleoedd i Ddysgu Cymraeg
Rydym hefyd yn darparu amrywiaeth o gyfleoedd i ddysgu ac i ddatblygu eich sgiliau Cymraeg.
-
Mae’n bosibl cwblhau’r rhaglen astudio hon heb unrhyw gostau ychwanegol.
Efallai yr hoffai myfyrwyr brynu deunyddiau ar gyfer modylau, megis prif brosiect ond nid yw hyn yn ofynnol ac ni chaiff effaith ar y radd derfynol.
-
Efallai eich bod yn gymwys i gael arian i helpu i gefnogi eich astudiaethau. I ddysgu am ysgoloriaethau, bwrsarïau a chyfleoedd ariannu eraill sydd ar gael, ewch i’n hadran Bwrsarïau ac Ysgoloriaethau.
-
Mae graddedigion llwybrau peirianneg Chwaraeon Moduro PCYDDS wedi cael gwaith mewn ystod eang o ddisgyblaethau peirianneg o fewn y Diwydiant Peirianneg Chwaraeon Moduro a thu hwnt.
Mae myfyrwyr wedi cael gwaith gyda chwmnïau Chwaraeon Moduro a Modurol fel McLaren, Red Bull, Renault F1, Mercedes AMG, Honda R&D, Ricardo, Mahle, JLR, MIRA a llawer o swyddi peirianneg uchel eu parch eraill.